بِسْمِ اللهِ الرَّحْمٰنِ الرَّحِيمِ
Turkiyani yuz yildan beri mafiya qonunlari boshqarib keladi
Ustoz Mahmud Kor
Hizb ut-Tahrirning Turkiyadagi matbuot bo‘limi raisi
Adolat va Taraqqiyot partiyasi barcha diqqat-e’tiborini Bryusselda bo‘lib o‘tadigan Bayden-Erdogan uchrashuviga qaratdi. Erdogan ham bu uchrashuvga bir necha oydan beri katta orzu-umidlar bilan qarab kelgandi. Chunki ayni uchrashuvda uning yana bir muddat hokimiyatda qolishi yoki qolmasligi to‘g‘risida tiniq tasavvur paydo bo‘ladi. Bayden ma’muriyatining Xitoyga bosim qilish siyosati va Rossiya bilan olib borayotgan sovuq urush siyosati hamda Yaqin Sharqdagi qaynoq masalalar bo‘yicha belgilamoqchi bo‘layotgan yangi yo‘li, bularning barchasi Turkiyaning e’tiborini tortmoqda. Chunki Adolat va Taraqqiyot partiyasi ham, Erdogan ham bu yangi siyosatlar asosida hamda Bayden ma’muriyatining axloq qoidalaridagi o‘zgarishlarga binoan harakat qilish bilan Bayden ma’muriyatining ishonchini qozonishi mumkin. Buning aksi o‘laroq, agar Bayden ma’muriyati Erdoganda etarli kuch borligini ko‘ra olmasa va Erdogan ham bu ma’muriyatning ishonchini qozona olmasa, u holda, Erdogan va uning partiyasi hukumati 2023 yildagi saylovlarga qadar o‘zining Bayden ma’muriyati bilan munosabatlarida og‘ir damlarni boshdan kechirishiga to‘g‘ri keladi.
Hozirda AQSh-Turkiya munosabatlari bilan bog‘liq vaziyat mana shunday. Boshqa tomondan qarasak, Turkiyaning ichki siyosatida Erdoganga bosh og‘rig‘i bo‘layotgan bir masala kun tartibida turibdi. Ma’lumki, o‘tgan oy Turkiyaning kun tartibini uyushgan jinoyatchilik tizimi etakchisi Sedat Pekerning davlat va mafiya aloqalari to‘g‘risidagi bayonotlari egallab keldi. Sedat Peker Birlashgan Arab Amirligidan turib tarqatgan o‘zining qator videolarida ichki ishlar vaziri Sulaymon So‘ylu, sobiq bosh vazir Binali Yildirim, Erdoganning kuyovi bo‘lmish sobiq moliya vaziri Barot Albayroq hamda Adolat va Taraqqiyot partiyasidagi ba’zi deputatlarni nishonga oldi. Peker o‘z videolarida giyohvand moddalar savdosidan tortib pullarni yuvishgacha, Suriyada neftь va qurol savdosidan tortib Turkiyadagi yirik tenderlardagi buzilishlargacha qadar ko‘p ayblovlarni ilgari surdi… U shular orqali Turkiyada davlat bilan mafiya o‘rtasidagi aloqalarni va bu boradagi davlatning iflos o‘tmishini fosh qildi. Uning bayonotida nishonga olingan mazkur ismlarga nazar tashlaydigan bo‘lsak, bu erda asl nishonga olingan figura Erdogan, deyishimiz mumkin. Peker o‘tgan yillar davomida «Ergenekon» yashirin tashkiloti ishi bo‘yicha sudlanib kelgan. U hoynahoy boshqa bir fuqarolikka ham ega bo‘lsa kerak. Hozirda Pekerning bunday shaxsiy ambitsiyasidan foydalanayotgan Britaniyadir, desak xato qilmagan bo‘lamiz. Aftidan, Adolat va Taraqqiyot partiyasining koronavirus pandemiyasi va iqtisodiy krizisga qarshi kurashda muvaffaqiyatsizlikka uchragani, Amerika-Turkiya munosabatlarida ishonchsizlik mavjudligi va xalq orasida ovoz berish imkoniyatlarining pasayib ketganligi, mana shular barchasi Turkiya ichkarisidagi angliyaparast partiyalarga jur’at bergan ko‘rinadi. Biz bu jarayonning qaerga olib borishini hamda Erdogan va uning partiyasi bundan qanchalar zarar ko‘rishini iyundagi Erdogan-Bayden uchrashuvi natijalaridan keyingina aniq baholashimiz mumkin.
Turkiyaning davlat bilan mafiya munosabatlaridagi iflos o‘tmishiga to‘xtaladigan bo‘lsak, aslida, kechagi kundan bugungi kunga qadar hech narsa o‘zgargani yo‘q. Yangi hukumat qanchalar toza bo‘lmasin, hukumat biz «toza qo‘llar operatsiyasi» orqali yurtni mafiya boshqaruvidan tozaladik, deya da’vo qilmasin, bularning hech qanday qiymati yo‘q bo‘lib, Turkiya Respublikasining tarixi davlat va mafiya o‘rtasidagi munosabatlar bilan to‘lib ketgan. Chunki hukumat qandaydir yo‘l bilan yana o‘zining iflos mafiya tizimini qurib olaveradi. Misol uchun, Adolat va Taraqqiyot partiyasi hukumat tepasiga kelgan paytda asosiy siyosati «Turkiyani to‘qsoninchi yillardan qutqarish va o‘tgan yillarga qaytmasligini ta’minlash»dan iborat edi. U Gulen harakati bilan hamkorlikda to‘qsoninchi yillardagi mafiya guruhlariga qarshi qator operatsiyalar olib borishga muvaffaq bo‘ldi. Biroq, eski mafiya guruhlari to‘xtagandan so‘ng Erdogan ham, Gulen ham o‘zlari uchun xos guruhlarni tuzib olishdi. Bu yangi mafiya guruhlari bilan eski mafiya guruhlari o‘rtasidagi farq shuki, eski mafiya guruhlari jinoyatkor ko‘rinishdagi tashkilot va shaxslardan tashkil topgan bo‘lsa, yangi mafiya guruhlari ulardan uslub va tanlagan yo‘llaridagina farq qiladi, xolos. 2013 yilda boshlanib, 15 iyuldagi inqilobga urinish hodisalarida davom etgan Erdogan bilan Gulen o‘rtasidagi kurashdan so‘ng davlatning barcha bo‘g‘imlariga joylashib olgan Gulen mafiyasi yo‘q qilindi. Yuzaga kelgan bo‘shliqni to‘qsoninchi yillar mafiyasi qayta egallashga urindi. Boshqacha ibora bilan aytganda, Turkiyada davlat bilan mafiya o‘rtasidagi aloqa har doim mavjud bo‘lib keldi va hamon mavjud bo‘lib turibdi. Buning sababi ushbu muammoning Turkiya asoslangan ilmoniy kapitalistik tuzumdan kelib chiqqanidir.
Turkiya Respublikasi huquqiy davlat emas. Balki u nomi har doim qotillik, siyosiy suiqasd va noqonuniy jinoyatlar bilan chambarchas bog‘langan va haligacha yo‘q qilinmagan davlatdir. Turkiya bunday ishlarning barchasini mafiya bilan birgalikda, ya’ni, mustahkam aloqa asosida sodir etmoqda. O‘tmishda ham shunday edi, bugun ham shunday, ertaga ham shunday qoladi. Hukumatlar, partiyalar, hatto boshqaruv tizimi o‘zgarsa ham, ammo bu iflos mafiya tizimi o‘zgarmaydi. Buni butkul o‘zgartirish uchun tubdan tozalash ishlarini olib borib, ilmoniy tuzumning hech bir qoldig‘ini qoldirmaslik lozim. Ushbu buzg‘unchi tuzumdan qutulishning, yurtimizni mafiya, boshboshdoqlik va terrordan qutqarishning yagona yo‘li to‘g‘ri tuzumni bunyod etishdir. Shubhasiz, bu – Islom tuzumi bo‘lib, uni Payg‘ambarlik minhoji asosidagi roshid Xalifalik davlati tatbiq etadi.
Roya gazetasining 2021 yil 16 iyun chorshanba kungi 343-sonidan
