بِسْمِ اللهِ الرَّحْمٰنِ الرَّحِيمِ
Sisiy va uning razvedka xizmati Falastinda yahudiylarning harbiy mashinasi amalga oshirolmagan ishni amalga oshira oladimi?!
Kemp-Devid shartnomasiga imzo chekib, o‘sha paytda Falastin masalasi hujjatlarining 99 foizi Amerikaning qo‘lida, deya ochiq aytgan Misr rejimi bugunga kelib, ayni masala xususida Falastin ahliga bosim qilish, shu orqali ularni Amerika tiqishtirayotgan ikki davlat echimini qabul qilishga majburlash rolini bajarmoqda.
Shu bois, barcha insonlar shuni yaxshi anglamoqlari lozimki, Misr delegatsiyasining G‘azo sektoriga safar qilishidan ko‘zlangan asosiy maqsad yahudiylarning yirtqich mashinalari amalga oshirolmagan ishni amalga oshirishdir. Buni Misr o‘zining «muloyim» razvedka xizmati orqali amalga oshirmoqchi. Asirlar hamda hibsga olinib, bedarak ketgan yahudiylarni ozod etish kelishuviga erishish ham Misrning ana shu amalga oshirish kerak bo‘lgan maqsadlari sirasiga kiradi.
Shu bilan birga, Misrning ayni harakatidan Falastindagi jangchi guruhlar etakchilarini xalqaro nazorat ostidagi siyosiy maydonga tortish ham ko‘zlangan. Maqsad, Amerikaning ikki davlat echimini ko‘klarga ko‘tarib, uni «ushbu buyuk g‘oyaga faqat ulkan qurbonliklar bergan guruhlargina loyiqdir», degan balandparvoz gaplar bilan bezashdir… Bundan tashqari, G‘azo ahlini oxirgi kurashda erishilgan jangovar yutuqlardan foydalanish imkoniyatidan mahrum etish hamda Falastinni to‘liq ozod etish loyihasini amalga oshirishda ayni yutuqlardan foydalanishlariga yo‘l qo‘ymaslik ham ko‘zlangan.
Falastindagi, xususan, G‘azo sektoridagi xolis insonlar bunday shubhali Misr delegatsiyasini boykot qilmoqlari hamda musulmon qo‘shinlaridan, shu jumladan, Misr armiyasidan zudlik bilan Falastinni ozod etishni talab qilmoqlari lozim. Falastin masalasini hal etishning yagona yo‘li mana shudir.
Roya gazetasining 2021 yil 9 iyun chorshanba kungi 342-sonidan
