بِسْمِ اللهِ الرَّحْمٰنِ الرَّحِيمِ
Afg‘onistonda mag‘lubiyatga uchragan Amerikaning Markaziy Osiyoda harbiy kengayishiga yo‘l qo‘ymaslik kerak!
Ommaviy axborot vositalarida AQSh kuchlarining Afg‘onistondan chiqib ketganidan so‘ng Pokistonning Dyurand liniyasi yaqinidagi erlariga joylashtirilishi to‘g‘risida xabarlar tarqaldi. Bu xabarlar AQSh armiyasi Markaziy qo‘mondonligi qo‘mondoni general Franklin Makkenzining yaqinda Amerika harbiy aviatsiyasi va kuchlarining Afg‘onistonni tark etganidan so‘ng bu yurtni kuzatib borish huquqlari borasida muzokaralar olib borajagi to‘g‘risida bergan bayonoti ortidan tarqalmoqda.
Bu xususda Hizb ut-Tahrir – Afg‘oniston viloyati matbuot bo‘limi bayonot chiqarib, quyidagilarni ta’kidladi:
«AQSh armiyasining Afg‘onistondan chiqib ketishiga asosiy sabab uning qaqshatqich mag‘lubiyatga uchraganidir. Biroq o‘shanda Amerika ayni harbiy mag‘lubiyatini yashirish uchun makkorlik yo‘liga, ya’ni, tinchlik so‘zlashuvlarini niqob qilib, Davha shartnomasini ilgari surish yo‘liga o‘tgan. Bugun esa, Qo‘shma Shtatlar Afg‘onistonga yaqin bo‘lgan mamlakatlarda o‘zining provokatsion joylashuvini ta’minlash uchun mintaqada harbiy baza ochishga urinmoqda».
Matbuot bayonoti Afg‘oniston, Pokiston va mintaqadagi musulmonlarga, «o‘zlarining malay hukmdorlariga qarshi turib, ularning mintaqani yana qator xonavayron etuvchi turli beqarorliklarga tiqishlariga yo‘l bermasliklari kerak»ligini ta’kidladi. So‘ng bayonot yakunida «Pokiston va mintaqadagi xolis qo‘shinlarni yovuz niyatli Amerikaning mintaqaga joylashishiga qarshi kurashmoqqa» da’vat qilindi, shuningdek, «bu mustamlakachi davlatning harbiy, razvedka, siyosiy va fikriy nufuzini ildizi bilan yo‘q qilib, Payg‘ambarlik minhoji asosidagi roshid Xalifalikni barpo etish yo‘lidagi kurashni davom ettirish»ga chaqirdi.
Roya gazetasining 2021 yil 9 iyun chorshanba kungi 342-sonidan
