بِسْمِ اللهِ الرَّحْمٰنِ الرَّحِيمِ
Abdulmalik Husiy muborak Falastin zaminini savdoga qo‘yganlar karvoniga qo‘shilmoqda
Abdulmalik Husiy yahudiylar Aqso va Quddusdagi musulmonlarga hujum qilayotgan kunlarda, Ramazonning 29 kechasida televidenie orqali chiqish qilib, Falastin xalqi bilan birdam ekanini, batamom ularning tarafida ekanini, kerak bo‘lganda barcha imkoniyatlar va voqealar rivojiga tayyor turganini, Falastindagi qarshilik harakatidagi birodarlar bilan doimiy muvofiqlashgan holatda ekanini da’vo qildi. U shuningdek, yahudiy vujudi tomonidan Aqso masjidi va Shayx Jarroh rayonida yuzaga keltirilgan keskin vaziyat oqibatida Falastinda avj olayotgan hodisalarni qattiq e’tibor bilan kuzatib borayotganini hamda Falastindagi Aqso masjidida bo‘layotgan hodisalarni qoralashini da’vo qildi.
Hizb ut-Tahrir – Yaman viloyati matbuot bo‘limi uning ayni da’volarni quyidagicha izohlaydi:
«Abdulmalik Husiy bunday so‘zlari bilan quyidagi ishlarni amalga oshirayotgan anavi hukmdorlarning karvoniga qo‘shilib oldi: Darhaqiqat, hukmdorlar Falastindagi bosqinchi yahudiy vujudini yo‘q qilish sari armiyalarni safarbar qilish orqali Masjidul Aqsoni yahudiylar iflosligidan poklashdan voz kechishdi, ikki qiblaning birinchisi va ikki harami sharifning uchinchisi bo‘lgan Masjidul Aqso borasida savdolashadigan bo‘lishdi. Abdulmalik ham boshqa hukmdorlar kabi, Yaman ahlini Falastin xalqi va qarshilik harakatiga yordam berish uchun xayr-ehson to‘plashga chaqirdi hamda bu to‘plangan mablag‘ni Falastin qarshilik harakati vakillariga San’oda topshirishini ma’lum qildi.
Ey Abdulmalik Husiy!
Sen va qarshilik harakatidagi senga o‘xshagan kimsalar bir turli armiyalarni qo‘lga kiritgan bo‘lsanglarda, biroq o‘zlaringdan oldingi hukmdorlar qatoriga qo‘shilib oldinglar. Chunki senlar bu armiyalarni Falastindagi yahudiy vujudiga qarshi jang qilish uchun safarbar qilmadinglar, aksincha, bu armiyalar yordamida musulmonlarga qarshi jang qilmoqdasanlar. Agar mazkur gaplaring to‘g‘ri bo‘lsa, oldinglarda yahudiylarga qarshi jang qilishdan o‘zga yo‘l yo‘q edi. Bas, shunday ekan, armiyani va xalq kuchlarini Falastinda yahudiy vujudiga qarshi jang qilishga safarbar qil. Chunki oldingda «Isroilga o‘lim» shiorini amalda tatbiq qilish imkoni turibdi. Aks holda, musulmon yurtlaridagi hukmdorlar qatoridan joy olib, Falastinni «savdo»ga qo‘ygan yangi tujjorlardan bo‘lasan».
Roya gazetasining 2021 yil 19 may chorshanba kungi 339-sonidan
