بِسْمِ اللهِ الرَّحْمٰنِ الرَّحِيمِ
Sudan vazirlar kengashi yahudiy vujudini boykot qilish to‘g‘risidagi qonunni bekor qilmoqda
Al-Jazira net (hijriy 1442 yil 24 sha’bon, milodiy 2021 yil 6 aprel seshanba kuni) nashr qilgan xabarda quyidagilar ta’kidlangan:
«Seshanba kuni Sudan vazirlar kengashi «Isroil»ni boykot qilish to‘g‘risidagi qonunni bekor qilishni ma’qulladi. Ayni qonun Sudan bilan «Isroil» o‘rtasida munosabatlarni normallashtirishga qarshi ilk qadam sifatida 1958 yil qabul qilingan edi.
«Isroil»ni boykot qilish qonuniga ko‘ra, sudanliklar «Isroil» fuqaroligiga ega shaxslar bilan yoki ularning kompaniyalari bilan bitim tuzishdan taqiqlangan. Shuningdek, «Isroil» bilan savdo ayirboshlash, «Isroil»da ishlab chiqarilgan tovarlarni to‘liq yoki qisman import qilish ham taqiqlangan. Ushbu qonunni buzgan shaxsga moliyaviy jarima bilan birga 10 yil qamoq jazosi belgilangan».
Roya:
«Yahudiy vujudini boykot qilish qonunini bekor qilishning ma’nosi, endi Sudan ahliga muborak Falastin zamini bosqinchilari bilan yoki ularning kompaniyalari bilan bitim tuzishlariga ruxsat beriladi. Ularga bu bosqinchilar bilan savdo ayirboshlash, ularda ishlab chiqarilgan tovarlarni to‘liq yoki qisman import qilishlariga ijozat beriladi va ushbu qonunni buzgan shaxsga moliyaviy jarima ham, 10 yil qamoq jazosi ham belgilanmaydi. Ya’ni, anavi jinoyatkor o‘tish davri hukumati Sudan ahlini yahudiy vujudi bilan munosabatlarni normallashtirishga har doimgidan ko‘proq zo‘r berib majburlaydi.
Shu sababdan, Sudan ahli o‘zlarining qo‘zg‘olonlariga to‘siq bo‘layotgan bunday yaloqxo‘r hukumatni ag‘darmoqlari lozimdir. O‘zgartirishda – xuddi Bashir rejimiga nisbatan qilingani kabi – faqat rejim kallasinigina yoki ba’zi shaxslarnigina emas, balki uni ildizi bilan qo‘porib tashlamoqlari va uning xarobalari uzra Payg‘ambarlik minhoji asosidagi ikkinchi roshid Xalifalikni barpo etmoqlari kerak. Ana shunda muborak zamin ozod etiladi, Rosululloh ﷺning Isro va Me’roj maskanlari poklanadi.
Roya gazetasining 2021 yil 21 aprel chorshanba kungi 335-sonidan
