بِسْمِ اللهِ الرَّحْمٰنِ الرَّحِيمِ
Husiylar Islom va musulmonlarining ashaddiy dushmani AQShga do‘stlik qo‘lini cho‘zishmoqda!
Seshanba kun Evropa Ittifoqi, Britaniya, Ummon Sultonligi va Mavritaniya Saudiyaning Yamanda urushni to‘xtatish tashabbusini olqishlashdi. Ertasiga arab va xalqaro darajadagi davlatlar ayni qadamni birin-ketin qo‘llab-quvvatlashdi. Ma’lumki, dushanba kuni Saudiya tashqi ishlar vaziri Faysal ibn Farhon o‘z mamlakatining Yaman inqirozini hal etish tashabbusi bir tomonlama otashkesimga erishishni o‘z ichiga olishini e’lon qilgan edi. Husiylar jamoasi rasmiy notig‘i Muhammad Abdusalom Ummon poytaxti Masqatdan bayonot berib, o‘z jamoasi Yamandagi urushni to‘xtatish uchun siyosiy kelishuvga muvofiq amerikaliklar bilan uchrashishga tayyor ekanini ma’lum qildi.
Shu xususda Hizb ut-Tahrir – Yaman viloyati matbuot bo‘limi bayonot chiqarib, quyidagilarni ta’kidladi:
Husiylar jamoasi bir tomondan terroristik tashkilotlar ro‘yxatiga tushish, ikkinchi tomondan Yamandagi urushga chek qo‘yishdan iborat ikki o‘t orasida qolgan bo‘lsa-da, Timoti Linderkingning AQShning Yamandagi maxsus vakili qilib tayinlanishi Britaniyaning BMTdagi maxsus vakili Martin Griffitsning bir chetga chiqarilishi hamda Yamandagi mojaroning har ikki tomonida ham Amerika rejalari va maqsadlarining amalga oshishidan boshqa narsani anglatmaydi.
Bayonotda yana bunday qo‘shimcha qilindi:
Biz Husiylarning nima ishlar qilganini juda yaxshi bilamiz. Bugun ularning soxtakorligi yaqqol namoyon bo‘lgan ekan, odamlarni bunday jamoani tark etishga da’vat qilamiz. Chunki Husiylar qilayotgan qilmishlar musulmon yurtlaridagi mavjud rejimlar qilayotgan qilmishlardan farq qilmaydi. Er yuzida Islom boshqaruvisiz o‘tgan yuz yil Ummat uchun etar endi. U Amerika va Britaniyadan ham, ularning soxta yordamlaridan ham voz kechib, Payg‘ambarlik minhoji asosidagi roshid Xalifalikni barpo etish orqali Islom boshqaruvini qaytarishga harakat qilmog‘i darkor.
Roya gazetasining 2021 yil 31 mart chorshanba kungi 332-sonidan
