Hizb ut-Tahrirning markaziy matbuot bo‘limi «Xalifalik qulatilganining yuz yilligi xotirasida… uni barpo etinglar, ey musulmonlar» nomi ostida kampaniya boshladi
Mana, yana bizlarga Xalifalik qulatilishi fojiasi hamon bitmay davom etib kelayotganini yodga solib, rajab oyi ham kirib keldi. Musulmonlar hanuzgacha o‘z payg‘ambarlari Muhammad ﷺ qoldirib ketgan davlatni qayta barpo etmadilar. Jinoyatchi Mustafo Kamol hijriy 1342, milodiy 1924 yili Usmoniy Xalifalikni qulatganidan buyon, Islom Ummati o‘zini chor atrofdan qurshab olgan alamli cho‘g‘ ustida qovurilib kelmoqda.
Ummat bu yil Xalifalik qulatilishi xotirasining yuz yilligini qarshiladi. Bu bilan shariat ahkomlari soyasida bahra olib yashashdan mahrum bo‘lib kelgan bir asrni tamomiga etkazdi. O‘tgan o‘n yilliklarni kuzatgan kishi bu vaqt mobaynida Islomiy Ummat boshdan kechirgan musibatlar naqadar og‘ir bo‘lganini his qiladi. Zero, Islom Ummati o‘tgan yillar davomida ilgari guvoh bo‘lmagan to‘xtovsiz azob-uqubat va fojialarga yuz tutdi.
Shu bois, Hizb ut-Tahrir amiri, buyuk olim Ato ibn Xalil Abu Roshtaning (Alloh u kishini O‘z hifzu himoyasida asrasin) topshirig‘iga binoan, Hizb ut-Tahrirning markaziy matbuot bo‘limi butun dunyodagi Hizb a’zolari bilan birgalikda Islom Ummati o‘g‘lonlarini payg‘ambarlik minhoji asosidagi ikkinchi roshid Xalifalikni barpo etish faoliyatiga jalb qilish uchun olamiy kampaniya boshladi.
Hizb ut-Tahrir ayni kampaniya orqali, xossatan, Islom Ummati safidagi quvvat ahlining shijoatini qo‘zg‘ashni istaydi. Hizb ularga o‘z vazifalarini eslatib, payg‘ambarlik minhoji asosidagi ikkinchi roshid Xalifalikni barpo etish orqali Allohning dinini aziz qilish uchun Hizbga nusrat berishga chaqiradi.
Hizb ut-Tahrirning markaziy matbuot bo‘limi barcha ommaviy axborot vositalarini, xossatan, bu sohada ish olib boruvchi musulmonlarni ushbu xayrli ishda yordamchi bo‘lishga, kampaniyani yoritib borishga va bu bilan Islom Ummati mushtoq bo‘lib kutayotgan Xalifalikni barpo etish faoliyatiga hissa qo‘shishga chaqiradi.
Shunga asosan, Allohning nomi ila va U zotdan barakot so‘ragan holda «Xalifalik qulatilganining yuz yilligi xotirasida… uni barpo etinglar, ey musulmonlar», nomli kampaniyamizni boshladik. Dinni qoim qilish va Ummatni aziz qilishga muvaffaq qilishini so‘rab, Allohga tavakkal qilib qolamiz.
#أقيموا_الخلافة
#خلافت _ کو _ قائم _ کرو
#YenidenHilafet
#ReturnTheKhilafah
#Xalifalikni_barpo qilinglar
Muhandis Salohiddin Azoza
Hizb ut-Tahrirning markaziy matbuot bo‘limi raisi
