بِسْمِ اللهِ الرَّحْمٰنِ الرَّحِيمِ
Saudlar oilasi Islomga qarshi urush ochgan oiladir
Al-Va’y jurnali (hijriy 1442 yil jumodulavval, milodiy 2020 yil dekabr oyidagi 412-sonida) bunday xabar nashr qildi:
«Tarixchi va yozuvchi ayol Ro‘zi Bashir «Arxivlar urushi: Saudiya Arabistonidagi tarixiy siyosat» nomli kitob yozdi. Yozuvchi bu kitobda 1932 yili ta’sis etilgan Saudiya Arabistoni sistematik ravishda qo‘llab kelgan uslub haqida yozadi. Unga ko‘ra, bu davlat ushbu mintaqa tarixi borasidagi o‘ziga yoqmagan hikoyalarning o‘quv dasturlariga kiritilishiga hamda muzeylar va arxivlardan joy olishiga yo‘l qo‘ymay kelgan. Bu uslublarni qo‘llash orqali o‘zi istagan suratga mos kelmagan barcha narsalarni, ayniqsa, Usmoniy davlatning tarixiy merosiga yoki asl kelib chiqishi arab bo‘lmagan, Janubiy Osiyo va Indoneziyadan kelgan mufakkir va faollarga tegishli bo‘lgan narsalarni o‘zidan nari qilmoqda. Janubiy Osiyo va Indoneziyadan kelib, hayotning ijtimoiy, saqofiy jihatlariga ta’sir o‘tkazgan mufakkir va faollarga Sultiyya madrasasi va boshqa madrasalar bitiruvchilarini misol qilish mumkin. Yozuvchi Saudiya, shu jumladan Makkai Mukarrama va Hijoz mintaqasining boy saqofiy tarixidagi buzilgan jihatlar haqida ham gapirib o‘tgan. Kitobda yozilishicha, ushbu davlat (1990-1991) yillar bo‘lib o‘tgan Ko‘rfaz urushidan keyingi Saud oilasi tarixini yozish, arxivlashtirish, abadiylashtirish va dunyoviylashtirib yozishga qattiq uringan. Shuningdek, davlat muzeylar, arxiv markazlari va tarixiy joylarni o‘z ichiga olgan va mamlakat tarixining rasmiy talqiniga zid keladigan tarixiy joylarni vayron qilishga harakat qilib, bu yo‘lda milliardlab dollarlarni sarflamoqda. Yozuvchining ta’kidlashicha, joriy ming yillikning birinchi o‘n yilligida Makkaning markazidagi tarixiy va muqaddas joylar zudlik bilan buzib yuborilgan. Shuningdek, uning ming yillik tarixga ega bo‘lgan joylari temir va shishadan iborat osmono‘par binolarga almashtirilgan. Ushbu o‘n yillik oxiriga kelib shahar markazi deyarli qurilish maydoniga aylanib qolgan.
Masjid atrofiga esa, turli maqsadda ishlatiladigan o‘nlab binolar qurilishi boshlangan. Kranlar Islom beshigi bo‘lmish ushbu dargoh osmonini to‘sib qolgan, bir vaqtda tutunli tuman Masjidul Haromni o‘rab olgan. Qurilish maydonlari va qazish uchun mo‘ljallangan og‘ir texnika shaharning umumiy ko‘rinishiga aylangan. Chidab bo‘lmas shovqin-suronlar va axlatlarni aytmasa ham bo‘ladi. Shaharning janubiy tarafida esa, maydoni uch kvadrat kilometr keladigan chuqur qazib qo‘yilgan bo‘lib, yaqinda u erga Shom loyihasi qurilar emish. Aslini olganda bu joy Umar tog‘i loyihasi yaqinidagi Sultiya madrasasi joylashgan er edi. Bu ishlar islomiy tarixni o‘chirish hamda Saud oilasining Riyoz shahridagi tarixi va merosini saqlab qolish uchun jiddiy e’tibor bilan amalga oshirilmoqda».
Roya:
Saudlar oilasi hukmdorlari arab uqolini (bosh kiyim) va «islomiy chopon»ni kiygan ilmoniylardir. Mana, taqdir taqozosi bilan, ularning sharmanda basharalari Islom Ummatiga bu dunyo hayotining o‘zidayoq fosh bo‘ldi-qoldi. Hali ertaga qiyomat kuni ularning boshlari uzra xiyonat bayrog‘i ko‘tarilib, Odam dan to qiyomatgacha o‘tgan butun xaloyiq oldida rasvo-sharmisor bo‘lishadi. Rosululloh ﷺ bunday deganlar:
«لِكُلِّ غَادِرٍ لِوَاءٌ يَوْمَ الْقِيَامَةِ، يُقَالُ: هَذِهِ غَدْرَةُ فُلَانٍ»
«Qiyomat kuni har bir xiyonatkorning bayrog‘i bo‘lib, bu falonchining xiyonati, deb aytiladi». Ibn Batol buni «jazoning og‘irligi, badnom qilish va sharmanda qilishning qattiqligidir», deya izohlagan.
O‘z dinini sotib xoin hukmdorlarga itoat etgan ulamolar aybdor bo‘lib qolaveradilar. Chunki ular hukmdorlarning xiyonatlarini odamlarga bezab ko‘rsatdilar, haqdan o‘zgani gapirmaslik to‘g‘risida Robbilariga bergan va’dalaridan voz kechib, o‘sha hukmdorlar bilan birga halokatga yuz tutdilar.
Roya gazetasining 2020 yil 6 yanvar chorshanba kungi 320-sonidan
