بِسْمِ اللهِ الرَّحْمٰنِ الرَّحِيمِ
Amerika va uning siyosiy echimi zavolga yuz tutmoqda, Shom esa Islomga qarab ketmoqda
Ustoz Shodiy Abud
Shom ahlining Damashqdagi jinoyatchi rejim ag‘darilsin, degan hayqiriqlari butun G‘arbni qo‘rquvga soldi. Ayniqsa, Suriyadagi haqiqiy va yagona nufuz sohibi Amerika qattiq qo‘rqib ketdi… U zudlik bilan qo‘zg‘olonni qo‘llab-quvvatlashga va makrini ishlatib uning ko‘nglini olishga kirishdi. Bayonot ketidan bayonotlar berdi… Bayonotlarining zohirdagi ma’nosi Amerikaning Suriya aholisi va ularning qo‘zg‘oloni tarafida turganligi, ularni qo‘llab-quvvatlashini anglatsa, asl ma’nosi Asad rejimi uchun ushbu muborak qo‘zg‘olonni yo‘q qilish imkoniyati berilganini anglatdi. Biroq Amerika ayni maqsadini ro‘yobga chiqarishda – Alhamdu lillah – ayanchli muvaffaqiyatsizlikka uchradi.
Qo‘zg‘olon qonxo‘r rejimni basharalaru arkonlari bilan qo‘shib ag‘darishdek o‘z maqsadida sobit turdi… Amerika esa, Shom ahliga yoqadigan alьternativaga muhtoj edi… Shunday bir manzarada u malay rejimlariga Suriya maydonida rolь bo‘lishib berdi. Masalan, ulardan Eron va uning Livandagi Hizbi, jangarilari hamda qonxo‘r Rossiya kabi rejimni qo‘llovchilar Suriyaga faqat Amerikaning buyrug‘i va u bilan muvofiqlashgan holda kirishdi. Saudiya, Turkiya, Qatar kabi qo‘zg‘olonning yolg‘onchi munofiq qo‘llovchilari esa, qo‘zg‘olonchilarni «tarbiyalash» va nazoratda ushlab turish va oxir oqibat yo‘q qilishga qaratilgan rolь bilan shug‘ullanishdi.
Boshqa tomondan Shom ahli Amerikaning barcha reja va vositalarini barbod qilishga imkon beradigan darajada onga ega edi. Holbuki, Amerika shu vositalar orqali Damashqdagi jinoyatchi malay rejimni saqlab qolishga harakat qilayotgandi. Biz Shom ahlining uyushtirgan namoyishlarini ko‘rib, kufr va fitna boshi Amerikaning qo‘zg‘olonlariga qarshi tutgan pozitsiyasini, Shom ahli boshiga tushgan har bir jinoyat ortida mana shu Amerika turganini qanday qilib anglab etganliklariga guvoh bo‘ldik. O‘shanda ularning 2012 yil 19 oktyabrda o‘tkazgan namoyishlaridan biri «Amerika, shuncha qonimizni ichib nafrating qonmadimi?!», deb ataldi.
Darhaqiqat, ushbu ong Amerikaning qo‘zg‘olonga qarshi to‘qigan barcha makru fitnalari qopqonini parchalagan uyg‘onish edi. Buning natijasida u ishga solgan har bir reja va qurollar fosh bo‘ldi. Masalan, xalqaro hamjamiyat, Xavfsizlik Kengashi va inson huquqlari tashkilotlaridan to Arab davlatlari Ligasigacha, malay arab hukmdorlari, Turkiya va mehmonxonada yotgan muxolafatgacha hamda qo‘zg‘olonchilarning pokiza qonlari bilan ozod etilgan erlarni rejimga topshirgan jangchi guruh etakchilarigacha… barcha-barcha qurollarini ishga solganligi fosh bo‘ldi. Hatto ushbu qo‘zg‘olon har bir malayni fosh etuvchi va har bir aybni ochib qo‘yuvchi qo‘zg‘olon, deb ataladigan bo‘ldi.
Amerika va uning qurollari agar Shom qo‘zg‘oloni nusrat quchib, ular ustidan o‘zgarmas maqsadlarini ro‘yobga chiqarsa nima bo‘lishini juda yaxshi bilishar edi. Shu bois, ular bu kurashga taqdiriy masala sifatida kirishishdi va Amerika qo‘zg‘olonni yo‘q qilish yo‘lida barcha makru imkoniyatlarini ishga soldi.
Amerika bo‘mbalar yog‘dirish, uy-joylarni vayron qilib, ahlini qochqinga aylantirish, och qo‘yish, tahdid qilib qo‘rqitish kabi turli uslub va vositalardan o‘zining qurollari, ittifoqchilari va boshqalar yordamida foydalanishni bir zum ham to‘xtatmadi. Bularni azbaroyi Shom ahlini o‘zining siyosiy echimiga rozi qilish maqsadida shunday qildi. Siyosiy echim esa, uning malay rejimini saqlab qolishni, qo‘zg‘olonni esa yo‘q qilishni, Shom ahlini o‘z farzandlarini qayta qonxo‘r rejim bag‘riga qaytishlarini ta’minlaydi.
Amerika zo‘rlab tiqishtirayotgan va «siyosiy echim», deb atagan narsaning mohiyati mana shu. Har bir ong sohibiga bu narsa qo‘zg‘olonning boshidayoq, ya’ni, Amerikaning Xavfsizlik Kengashi tomonidan chiqarilgan qarorlari orqali ko‘zga tashlangan. Bunga 2015 yil 18 dekabrdagi mashhur 2254-sonli qarorni misol qilish mumkin.
Amerikaning Suriyada qo‘zg‘olonni yo‘q qilish ortidan amalga oshirish uchun chiranayotgan bu siyosiy echimi aslida zahri qotildir. U yomonligi chor atrofni qamrovchi eng katta jinoyat bo‘lib, o‘tgan yillar mobaynida Shom ahli qurbon bergan shuncha pokiza qonlarni sariq chaqaga sotish hisoblanadi. Bundan odamlarni qayta jinoyatchi rejim himoyasiga qaytarish, rejimni esa, mal’un qora basharasini ziynatlab ko‘rsatish maqsad qilingan. Ana shundagina Shom qo‘zg‘oloni ham boshqa jilovlangan qo‘zg‘olonlar holiga tushadi. Zero, bu omadsiz rejimlar qayta ishlab chiqilib, qo‘zg‘olonlardan avvalgi rejimlardan ham xavfliroq rejimga aylantirilyapti!
Amerikaning ushbu siyosiy echimining eng xatarli jihati shuki, u davlatning ilmoniyligini kuchaytirib, bizni Alloh Subhanahu va Taoloning rizosidan uzoqlashtiradi, musulmonlarni boshqarayotgan va ularga azob-uqubatlar yog‘dirayotgan zolim podshohlikning umrini uzaytiradi, shuningdek, haqning haqligini ro‘yobga chiqarib, botilni yo‘q qiladigan va har bir xoinu malaydan intiqom oladigan Robbimiz shariatini g‘olib qilish baxtidan barchamizni mahrum etadi.
Gap shundaki, Shom qo‘zg‘oloni fikrat bo‘lib, u o‘lmaydi, ayniqsa, haqiqiy mard o‘g‘lonlar qoni bilan sug‘orilgan bo‘lsa. Shuning uchun ham Amerika o‘zi da’vo qilgan «siyosiy echim»i orqali bu mafkurani qo‘zg‘olonchilar qalbidan o‘chirib-yo‘q qilishga urinmoqda. Biroq bu mustamlakachining qo‘zg‘olonni yo‘q qilish niyatiga etishiga yo‘l bo‘lsin. Chunki bu xalqning qancha-qancha shafqatsiz tazyiqlar va urushlar ko‘rganiga qaramay, qo‘zg‘olon yoshu qari, kattayu kichik va hatto ayollaru bolalar qonida oqmoqda.
Bu erda, o‘z ahlini hargiz aldamaydigan Hizb ut-Tahrirning roli katta bo‘ldi. Chunki u Shom ahli bilan elkama-elka turib, ularning yo‘lini yoritib borishga, dushmanlar bilan o‘zlarining «do‘st», qilib ko‘rsatayotganlar o‘rtasidagi til biriktiruvni ochib berishga Alloh uchun ham, Shom ahli uchun ham ahdu paymon bergan. Haqiqatda ham, Hizb Shom ahlining ongini o‘stirdi va bu ong to ular qonxo‘r rejimni ag‘darib, uning xarobalari uzra Payg‘ambarlik minhoji asosidagi roshid Xalifalikni barpo etgunlariga qadar, ular uchun mash’ala bo‘lib xizmat qiladi.
Biz Amerikaning makrini urib tushlash uchun, avvalo Allohning o‘ziga tavakkal qilib-suyanmog‘imiz, qolaversa, Robbimiz rozi bo‘ladigan va bizga kuch-quvvat ato etadigan yo‘l bo‘ylab ongli ravishda harakat qilishimiz uchun Allohdan yordam so‘ramog‘imiz va Unga chuqur ishonchda bo‘lmog‘imiz darkor.
Bu o‘zicha bo‘lmaydi, buning uchun qo‘zg‘olon faqat va faqat rabboniy loyihasi bor ongli siyosiy etakchilikka ergashmog‘i lozim bo‘ladi. Ana shundagina u – Allohning izni ila – maqsadiga etib borib, Damashqdagi jinoyatchi rejimni ag‘daradi va o‘rniga Islom hukmini barpo etadi. Zotan, bizga buni karami keng, qudrati ulug‘ Taboraka va Taolo va’da qilgan, sevikli Payg‘ambarimiz ﷺ
«..ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»
«… Keyin Payg‘ambarlik minhoji asosida Xalifalik bo‘ladi», deya bashorat qilganlar. Shuning uchun bu – Allohning qudrati ila – albatta bo‘lmay qolmaydi. Chunki kelajak Islomniki, Amerika esa, avval bo‘lgani kabi, insha Alloh, o‘zining siyosiy echimida omadsizlikka yuz tutib, zavolga uchraydi. Shom Islomning markaziga aylanmay qolmaydi.
Roya gazetasi saytidan olindi
