بِسْمِ اللهِ الرَّحْمٰنِ الرَّحِيمِ
Arab davlatlari Ligasi Falastin masalasini yo‘q qilish uyasidir
«Maan» axborot agentligi veb-saytida (hijriy 1442 yil 22 muharram, milodiy 2020 yil 10 sentyabr payshanba kuni) nashr qilingan xabarda bunday deyiladi:
«Chorshanba kuni bir qator arab davlatlari Falastin davlati tomonidan Arab davlatlari Ligasiga taqdim etilgan loyihani bekor qilishdi. Bu yahudiy vujudi bilan munosabatlarni normallashtirish bo‘yicha «Isroil»-Amirliklar o‘rtasidagi kelishuvga qarshi loyiha edi».
Roya:
Buni quyidagicha izohlaymiz: Falastin Ozodlik Tashkiloti etakchilari va Falastin rejimi haq so‘zni eshitishdan quloqlarini berkitib, arab davlatlari tinchlik tashabbusi, degan narsani vaysashgani-vaysashgan. Vaholanki, bu tashabbus yahudiylar va mustamlakachi kofir G‘arb oldida tiz cho‘kishdan, ularning Falastin masalasini yo‘q qilish rejalaridan ko‘z yumishdan hamda muborak Falastin zamini va u erdagi musulmonlarning muqaddas dargohlaridan voz kechishdan iboratdir, buni ularning o‘zlari ham yaxshi bilishadi. Hatto Amirliklardek bir davlatcha ayni tashabbusga aralashib, «tinchlik muqobilida er printsipi»ni «tinchlik muqobilida tinchlik printsipi»ga o‘zgartirdi… Liga bo‘lsa, Amirliklarning yahudiy vujudi bilan munosabatlarni normallashtirish kelishuvini yuzaki bo‘lsa ham qoralay olmadi.
Demak, Falastin Ozodlik Tashkiloti bilan uning rejimining bunday xoinlik tashabbusini tinmay talab qilishlari ularning yon berish va xoinlikda g‘ayrat ko‘rsatayotganlarini anglatadi. Agar tashkilot va rejimdagilarda muborak zaminimizga nisbatan ham mana shu g‘ayratdan zarracha bo‘lganda edi, o‘sha arab davlatlari tashabbusidan ochiq-oshkor voz kechishgan, til biriktiruvning uyasi hisoblangan Arab davlatlari Ligasiga a’zolikdan butkul chiqishgan bo‘lur edilar.
Roya gazetasining 2020 yil 16 sentyabr chorshanba kungi 304-sonidan
