بِسْمِ اللهِ الرَّحْمٰنِ الرَّحِيمِ
Sudandagi o‘tish davri hukumati eski rejimdan farqsiz o‘laroq sel keltirgan moddiy ziyonni hisoblashdan boshqa hech narsa qilmayapti!
Fuqaroviy mudofaa milliy kengashi chiqargan hisobotda o‘tgan kunlar ichida ko‘p yoqqan sel oqibatida Sudandagi ayrim rayonlar zarar ko‘rgani aytiladi. Hisobotda Xartumdagi Sharqiy Nil hududlarini, Jazira provintsiyasi, Darfur va boshqa rayonlarni urib ketgan selning zarar va ziyonlari hisob-kitob qilindi. Unda o‘n nafar inson nobud bo‘lganligi, 1872ta uy-joy butkul vayron bo‘lib, 1508ta uy-joyga qisman zarar etgani va boshqa ziyonlar aytildi.
Shu xususda Hizb ut-Tahrir – Sudan viloyati matbuot bo‘limi bayonot chiqarib, unda quyidagilarni ta’kidladi:
«Yomg‘irli mavsumning qachon kelishi hammaga ma’lum, kutilmaganda kelmaydi. Biroq Sudanda keti uzilmay kelayotgan bu omadsiz rejimlar har yili yomg‘irlar oqibatlari to‘g‘risida hech narsa qilishmaydi, masalan, kuzdan oldin qilish kerak bo‘lgan ma’lum chora-tadbirlar kabi. Balki har yili shunday falokatlar takrorlanyapti. Hukumat esa, azob-uqubatlar oldida qo‘l-qovushtirib, ziyonlarni hisob-kitob qilishdan boshqa narsani bilmaydi. Bu yil ham xuddi shunday bo‘ldi, chunki bu hukumat ham eski rejimlarga taqlid qilyapti. Moddiy ziyon va zararlarni hisob-kitob qilib, so‘ng ofatga nisbatan o‘z zimmasidagi vazifani qilmay, hammani halokatga qo‘yib bermoqda».
Matbuot bayonotida yana bunday deyildi:
«Harbiy mustamlakachilar yurtimizdan chiqib ketgandan boshlab to shu kunga qadar hukm yuritayotgan rejimlar, xoh demokratik bo‘lsin, xoh harbiy bo‘lsin, xoh totalitar tuzum bo‘lsin, farqsiz, ularning barchasi g‘amxo‘rlik bilan boshqarish, degan narsani bilishmaydi. Balki soliq yig‘uvchi kapitalizm bilan boshqarishni biladi, xolos. Shuning uchun basharalar o‘zgaraveradi, ammo tuzum o‘sha-o‘sha, siyosat o‘sha-o‘sha qolaveradi».
Bayonot so‘nggida Sudan ahliga murojaat qilindi:
Ishlaringizni aqidangiz asosida boshqaradigan va sizga farovon hayot beradigan g‘amxo‘r davlat barpo etish uchun qo‘lingizni Hizb ut-Tahrir a’zolari qo‘liga bering. Bas, biz sizni Islom davlati bo‘lmish Payg‘ambarlik minhoji asosidagi ikkinchi roshid Xalifalik davlatini barpo etishga da’vat qilamiz.
Roya gazetasining 2020 yil 12 iyul chorshanba kungi 299-sonidan
