بِسْمِ اللهِ الرَّحْمٰنِ الرَّحِيمِ
Hizb ut-Tahrir – muborak Falastin zamini siyosiy qamoqqa olish hodisalarini qoralab, namoyish qatnashchilarini zudlik bilan ozod etilishini talab qilmoqda
Hizb ut-Tahrir – Falastin zamini namoyishchilarning, ayniqsa, Falastin rejimiga o‘z ovozlari bilan norozilik bildirayotgan yigitlarning qamoqqa olinishini qoralab, buni yurt ahliga nisbatan zo‘ravonlik xatti-harakati, deya baholadi. Zero, bu yigitlar rejimga tik boqib, uning korruptsiyaga botganini hamda odamlarning peshona teri bilan topgan bir burda nonlari va huquqlari evaziga, ularga soliq va to‘lovlar solish bilan orqalariga qamchi urayotganini baralla aytib kelmoqdalar.
Bu so‘zlar Hizb ut-Tahrir – muborak Falastin zamini matbuot bo‘limi chiqargan bayonotda aytildi. Bayonotda Hizb rejimdan barcha siyosiy mahbuslarni va namoyishchi yigitlarni darhol ozod etishni talab qildi. Bugungi koronavirus pandemiyasi tarqalgan va oddiy tibbiy himoya vositalari ham etishmayotgan bir vaziyatda ushbu qamoqqa olingan barcha falastinliklarning salomatligi javobgarligini rejim zimmasiga yukladi.
Hizb quyidagilarni ta’kidladi:
«Falastin ahli ushbu zulmga jim qarab turmaydi hamda tahqirlash va xorlashga ko‘z yummaydi. Ushbu muborak zamin qamoqlar va u erlardagi qiynoqlardan qo‘rqmaydigan, haq ustida boshlarini har doim g‘oz tutib, zolimlar zulmi oldida mag‘rur turadigan haqiqiy er kishilarga boy zamindir. Bas, zulm doimiy emas, korruptsiyaning umri qisqa, haq va uning ahli ushbu muborak zaminda har doim mavjud bo‘ladilar, ularning ovozlarini na qamoqqa olishlar so‘ndira oladi va na tahdidlar. Chunki ular shu zaminning asl mard ahlidirlar. Bas, Falastin rejimi es-hushini yig‘ib olsin va darhol muborak zamin farzandlarini ozod etsin, chunki zulm oqibati juda og‘irdir».
Roya gazetasining 2020 yil 5 avgust chorshanba kungi 298-sonidan
