BMT global oziq-ovqat etishmovchiligidan ogohlantirdi
Hozirda dunyoda 820 mln kishi etarlicha oziq-ovqatga ega emas va pandemiya sababli bu raqamlar oshib boradi. Bu haqda BMT bosh kotibi Antoniu Guterrish ma’lum qildi.
Guterrishning ta’kidlashicha, dunyo pandemiya sababli global oziq-ovqat etishmovchiligiga to‘qnash keldi.
“Agar zudlik bilan choralar ko‘rilmasa, oziq-ovqat bilan bog‘liq global favqulodda vaziyat yuzaga kelishi mumkinligi tobora ayonlashmoqda. Bu favqulodda vaziyat yuz millionlab bolalar va kattalar uchun uzoq davom etuvchi oqibatlarga ega bo‘lishi mumkin”, deb aytgan Guterrish.
BMT bosh kotibining aytishicha, hozirda 820 mln kishi etarli miqdorda oziq-ovqatga ega emas va bu raqamlar shubhasiz oshib boradi. “Oziq-ovqat etkazish tizimlarimiz jabr ko‘rmoqda va koronavirus pandemiyasi vaziyatni yomonlashtirmoqda”, – deb aytgan Guterrish.
BMT davlatlarga aholi oziq-ovqat tizimini eng muhim deb tan olishni va bu sohada ishlovchi odamlar himoyasini ta’minlashni tavsiya qilmoqda. Shuningdek, oziq-ovqat mahsulotlarining uzluksiz etkazilishini ta’minlash uchun davlatlarga oziq-ovqat mahsulotlari ishlab chiqarilishi, transport va mahalliy bozorlarni qo‘llab-quvvatlashni kuchaytirish tavsiya qilingan.
Bundan tashqari, BMT aholining eng zaif qatlamlari – bolalar, homiladorlar va emizikli ayollar, keksalar oziq-ovqatga ega bo‘lishlari uchun ijtimoiy qo‘llab-quvvatlovni kengaytirish zarur deb hisoblamoqda.
Izoh: Bugungi kunda butun olamda yuz berayotgan og‘ir iqtisodiy vaziyat uchun kapitalizm javobgar ekanligi inkor qilib bo‘lmas haqiqatdir. Chunki bunday og‘ir iqtisodiy sharoitda minglab insonlar yashab, aksari ocharchilik natijasida o‘lmoqda. Rasmiy ma’lumotlarga ko‘ra, dunyoda har soniyada bir shaxs ochlikdan halok bo‘ladi. BMT, Xalqaro Bank va Xalqaro Valyuta Fondi kapitalizmning asosiy qurollari bo‘lib, ular rivojlanayotgan davlatlardagi yomon iqtisodiy ahvoldan bevosita javobgardir. Ular vositasida bir xovuch shaxslar dunyo boyliklarining asosiy qismiga ega chiqib, qolgan insonlarni ochlik va qashshoqlik iskanjasiga uloqtirmoqda. Kapitalizm er yuziga qashshoqlik, kasallik, urush va ocharchilik olib keldi.Kapitalistlar moddiy manfaat topish maqsadida bu kabi iqtisodiy qiyinchilik va ocharchiliklarni sun’iy ravishda ham vujudga keltirishadi. Barchamiz guvohi bo‘lib turganimiz, etakchi davlatlar tomonidan koronavirus pandemiyasi vahimasi ortidan dunyo bo‘ylab yuz millionlab odamlarni karantinga olib, uylariga tiqib qo‘yishi, tirikchilik vositalaridan sun’iy ravishda to‘sishi shundoq ham kunligini kunda topib tirikchilik qiladigan, asosan islomiy yurtlar fuqarolari va qashshoq davlatlarni iqtisodiy inqiroz yoqasiga olib kelib qo‘ydi. Endi esa barcha ishlarning boshida turgan kapitalistlar BMT orqali go‘yoki shu odamlar “g‘amini eb”, ularni ocharchilik tahdididan qutqarmoqchi bo‘lishmoqda…
Olamning kapitalistlar zulmidan qutqarishning yagona yo‘li er yuzida adolat bilan hukm yurituvchi payg‘ambarlik minhoji asosidagi Xalifalik davlatini vujudga keltirishdir. Chunki, Islom har bir shaxsning asosiy ehtiyojlarini qondirishga kafildir. Islom er yuzida tatbiq qilinib, uning ustidan hukmronlik qilgan paytda qashshoqlikka qarshi kurashib, unga barham bergan. Chunki Islom shaxsni mehnat qilish, rizq topish va unga harakat qilishga undaydi, qarindoshlarga aloqador nafaqani farz qildi. Zakot va sadaqalar hamda umumiy va davlat mulkidan kambag‘allar uchun nafaqa belgilagan.
Rosululloh sollallohu alayhi va sallam:
“Qo‘shnisi och bo‘la turib, to‘q holda tong ottirgan kishi menga iymon keltirmabdi”, deganlar.
Abdurahmon Odilov
