Turkmaniston koronavirus yo‘qligini aytmoqda, biroq JSST tekshiruvini istamayapti
Turkmaniston o‘zida koronavirus yo‘qligini iddao qilmoqda, lekin Jahon sog‘liqni saqlash tashkiloti (JSST) mutaxassislarining mamlakatga kelib vaziyatni o‘rganishini istamayapti.
Turkmaniston hukumati hech qachon hafsalani pir qilishdan charchamaydi, uning keyingi xatti-harakati ham buning yana bir isbotidir.
Hukumat 20 yildan oshiq vaqtdan beri o‘zining BMT e’tirof etgan betaraf mamlakat maqomini targ‘ib qilishdan tinmaydi.
Bu bilan u o‘zini tashqi dunyodan “yakkalaydi” va hokimiyat idoralari mavjud deb iddao qilayotgan uyg‘unlikni saqlaydi go‘yo.
Yorqin misol: Turkmaniston hukumati mamlakatda koronavirus yuqtirganlik holatlari yo‘qligini aytmoqda.
Koronavirus yo‘q degan iddao ko‘p tomonlar, jumladan, vaziyatni o‘rganish uchun u erga delegatsiya yuborishni istagan Jahon sog‘liqni saqlash tashkiloti (JSST) uchun ham qiziq.
JSST delegatsiyasi Tojikistonda bo‘lib turibdi, lekin Ashxobod rasmiylari uning mamlakatga kelishi oldini olish uchun har xil nayranglarni o‘ylab topmoqda.
JSST delegatsiyasining Turkmanistonga safari qoldirilishi xavotirli holdir. “Ozodlik”
Tahlil: Turkmaniston avtoritar rejimi uchun Rossiya yoki Qirg‘iziston rejimlaridan farqli o‘laroq koronavirus karantinidan manfaat yo‘q. Turkmaniston prezidenti uchun mamlakat etakchiligida hozir siyosiy muammo mavjud emas.
JSST kabi olamiy tashkilotlar Tojikistonga bosim qilib, xalqini koronavirusga qarshi testdan o‘tkazishga majburladi. Bir kunda yuzlagan odamdan virus aniqlanib, mamlakat karantin e’lon qilishga majbur bo‘ldi.
Turkmaniston va shu kabi boshqa davlatlarning karantin e’lon qilishdan bosh tortishi xalqaro siyosatni dunyo jamoatchiligi oldida noqulay ahvolga solib qo‘yishi mumkin. Chunki, ularning da’vosiga ko‘ra, karantin e’lon qilishdan bosh tortish oqibatida mamlakatda ommaviy qirilish kuzatilishi kerak edi. Lekin Turkmaniston yoki Belorusiya singari davlatlarda unday bo‘lmayapti. Fuqorolari ichida o‘lim darajasi o‘zgarmadi. Aksincha ular, mamlakatlarini karantin oqibatidan kutilgan iqtisodiy inqirozni yanada kuchayib ketishini oldini olib qolishdi. Xalqaro siyosat bundan tashvishga tushib boryapti.
Abdurazzoq Mo‘’min.
