Tojik-qirg‘iz chegarasida qurolli mojaro yuz berdi
Chegaraoldi hududida yashaydigan qirg‘izistonlik va tojikistonliklar o‘rtasida 8 may kuni sodir bo‘lgan mojaroda ov miltig‘i ishga solindi va minomyotdan o‘t ochildi. Qirg‘iziston tomoni chegarachilardan uch nafari o‘qotar quroldan yaralanganini ma’lum qildi. Tojikiston esa ikki mahalliy turg‘un og‘ir yaralanganini bildirdi.
Qirg‘iziston Davlat chegara xizmati ma’lumotiga ko‘ra, mojaro Botken masalasi tufayli kelib chiqqan. Mazkur uchastka aniqlashtirilmagan hudud bo‘lib hisoblanadi, biroq, Davlat chegara xizmati undan fe’lan qirg‘izistonliklar foydalanib kelganini qayd etgan. Tojikiston esa mazkur er tojik qishlog‘i turg‘unlari tomonidan foydalanib kelinganini ta’kidlamoqda.
Juma kuni Qirg‘iziston tomonidan 30-40 kishi, Tojikiston tomonidan ham yana shuncha kishi bir-birlarini toshbo‘ron qila boshlaganlar.
Tahlil: Qirg‘izistonda xalq karantin holatida, Tojikistonda ham xalq karantinga olindi. Ikkala mamlakat xalqi ham iqtisodiy og‘ir ahvolda. Karantin ularni holdan toydirib, vaziyat keskinlashib odamlar hukumatga qarshi isyon qilish holatiga qarab boryapti.
Har safar Qirg‘iz yoki Tojik hokimiyati, mamlakatda biror bir siyosiy keskin holat paydo bo‘lganida o‘rtadagi chegaraning talash hududida milliy nizo paydo qilishadi. Bu bilan paydo bo‘lgan ichki keskin vaziyatdan o‘z fuqorolarini chalg‘itib, urush vahimasi ostida milliy g‘ururlarini jumbushga keltirmoqchi bo‘lishadi. O‘lgan yoki jabrlanayotgan odamlar ularni qiziqtirmaydi!
Qirg‘iziston hokimiyati koronavirus vahimasini, o‘zining siyosiy manfaati yo‘lida uzoq vaqt foydalanishga harakat qilyapti. Lekin karantinda xalqni uzoq ushlab tura olmaydi. Xalqning iqtisodiy imkoniyatlari bunga yo‘l bermaydi. Shuning uchun hokimiyat iflos uslublarga ham yo‘l berishga tayyor! Aslida karantin ham, Tojik chegarasidagi keskinlik ham suniy vahima va provokatsiya asosida uyushtirilgan iflos uslublar!
Abdurazzoq mo‘’min.
