بِسْمِ اللهِ الرَّحْمٰنِ الرَّحِيمِ
Liviyani qutqaradigan haqiqiy tarixiy qaror Allohning shariatini hokim qilish qaroridir
«Sputnik» veb-sayti (hijriy 1441 yil 30 sha’bon, milodiy 2020 yil 23 aprel payshanba kuni) nashr qilgan xabarga ko‘ra, payshanba kuni iste’fodagi general-mayor Amerikaning malayi Xalifa Haftar liviyaliklarni «tarixiy», deya atagan qarorga da’vat qildi. Unga ko‘ra, bu narsa Liviya ishlarini fuqarolik davlatiga yo‘l ochadigan konstitutsiyaviy deklaratsiyaga muvofiq boshqarishga qaratilgan. U – prezidentlik kengashining xatti-harakatlari siyosiy kelishuv vakolatining tamom bo‘lishiga asosiy sabab bo‘ldi, dedi. Haftar o‘zining televidenie orqali aytgan va «Liviya 24» veb-sayti nashr qilgan bu so‘zlarida – prezidentlik kengashi xoin va malaydir, chunki u Turkiya armiyasini yordamga chaqirdi, deya ta’kidladi. Shuningdek, Liviyadagi siyosiy sahnaning va iqtisodiy vaziyatning vayron bo‘lganligi javobgarligini Vifoq hukumatining prezidentlik kengashi zimmasiga yukladi.
Roya gazetasi sharhi:
Liviyadagi kurashuvchi tomonlar ajnabiy kurashchilarning qurollari bo‘lib, bu kurashning yurt ahliga mutlaqo aloqasi yo‘q. Masalan, Sarroj ham, Haftar ham malaylikda bir-birlaridan farq qilmaydi. Zero, Sarroj hukumati yurt tashqarisida tashkil qilinib, so‘ng Evropa himoyasi ostida olib kelingan. Haftarning esa, Amerika malayi ekani hammaga ma’lum. Liviya va boshqa musulmon yurtlardagi siyosiy sahna Islomning siyosiy hayotdan qanchalik g‘oyib bo‘lganini ko‘rsatib turibdi. Zero, odamlar o‘rtasidagi munosabatlar asosi manfaat bo‘lib, bu narsa ko‘pchilik musulmonlarni shu o‘tkinchi hokimiyatga chiqib, u erdagi oyog‘i likillab qolgan kursiga o‘tirish uchun mustamlakachi kofirlar qo‘yniga kirishga undadi, hatto bu Ummat va uning dini hisobiga bo‘lsa ham. Bu siyosatchilar mudom o‘z taqdirlarini mustamlakachilar qo‘liga berib qo‘ygan ekan, Ummat ahvolini hargiz o‘nglamaydilar, rivojlantirmaydilar. Liviyadagi kurashuvchi tomonlar ham xuddi shunday. Chunki yurt potentsiallari va neftь boyliklarini tinimsiz talab, o‘zgartirishga chanqoq yoshlarni adashtirayotganlar mana shu kurashuvchi tomonlardir. Bas, vaqt kech bo‘lmasidan, es-hushini yig‘adigan kim bor?!
Roya gazetasining 2020 yil 29 aprel chorshanba kungi 284-sonidan
