بِسْمِ اللهِ الرَّحْمٰنِ الرَّحِيمِ
Tunis aro yo‘lda qoldi, uni qo‘lidan tutib omonlik qirg‘og‘iga olib boradigan kim bor?!
Tunis o‘tgan yaqin yillar ichida jadal voqea-hodisalarni boshdan kechirdi. Bu hodisalar 2010 yil boshlanib, 2019 yil prezidentlik saylovi bilan yakun topdi.
Tunis sahnasi qonunchilik saylovi, ta’sis saylovi, parlament saylovi va prezidentlik saylovi kabi turli tuman voqea-hodisalarga boy bo‘lishiga qaramay, yurt muammosi qanday bo‘lsa, o‘shanday qoldi. Bil’aks, asosan iqtisodiy tanazzul battar chuqurlashdi, shuncha saylovoldi va’dalari va propagandalariga hamda Jahon Banki va boshqalardan olingan tashqi kreditlarga qaramay birorta ham muammolar hal bo‘lmadi, o‘sha-o‘sha qoldi.
Tunisdagi saylovlar shuni aniq va qat’iy tasdiqladiki, Tunis xalqi bu siyosiy partiyalarning har biriga aslo ishonmaydilar va saylov qutilari orqali ularning yolg‘onlariga guvohlik berdilar. Chunki xalqning uchdan bir qismi saylovda qatnashmadi, qolgan ikki qismi ham boshqa siyosiy doirani tanladi, islom to‘nini kiygan Nahza harakatidagi hamda millatchilikka asoslangan Nidoi Tunis partiyasidan iborat hukmron siyosiy doirani tanlamadi.
Darhaqiqat, Tunis ichkarisidan ko‘plab guvohlar saylovga umidlarni puchga chiqaruvchi saylov, deya ta’rif berishdi, unda qatnashishdan bosh tortganlar ko‘p bo‘lgani aytildi. Masalan, «Chegarabilmas kuzatuvchilar» tashkiloti raisasi Hojar Sadiriy Shobiy ovozlar nisbati juda zaif ekanini ta’kidladi. Saylov komissiya hay’ati raisi Foruq Buaskar ham saylovda ishtirok etishdan bosh tortish – ayniqsa, katta yoshdagilarga nisbatan yoshlar orasida – ko‘p bo‘lganidan afsuslanganini yashirmadi.
Bugun Tunis aro yo‘lda qoldi. Bir tomonda siyosiy bo‘shliq bo‘lib, unda barcha siyosiy partiyalar saylovda yiqildi. Ikkinchi tomonda, odamlar boshqa tomondan yangi xaloskor izlayaptilar. Bu yolg‘onchi, munofiq va ajnabiyga sotilgan chirik doiralardan qidirmay qo‘yishdi. Shuningdek, o‘tgan yillar davomida qaqshatqich adashtiruvchi, fitna kurashlari bo‘lgan esa-da, biroq odamlar o‘z dinlariga bo‘lgan ishonchlarini yo‘qotmadilar.
Saylovlarda qatnashgan barcha siyosiy partiyalar odamlar ko‘z o‘ngida birma-bir to‘kildi va saylov jarayonida amalda rad etildi. Bir vaqtning o‘zida, odamlar ilgari bu partiyalarning – hukm yuritgan yoki hukm yuritmaganidan qat’iy nazar – siyosiy dasturlarini o‘z tajribalarida sinab ko‘rganlar. Negaki, dastur va qonunlar bir, demak, ular ham sobiq partiyalar kabi harakat qilib, yurt ustidan hukmronlik qilayotgan harbiy va ajnabiy kuchlarga garov bo‘lib qolaverishadi. Bu siyosiy partiyalar voqelikdan hech narsani o‘zgartirmagan va hargiz o‘zgartirolmaydi ham. Ular saylov orqali kelganmi yoki yurtdagi hukmron kuchlar orqali kelganmi, farqsiz, Tunisni buzilish, parchalanish va jarlik sari qulashdan aslo qutqarib qolisholmaydi.
Barcha tunislikning miyasiga kirib borgan, saylovlar qat’iy ravishda isbotlagan hamda qo‘zg‘olonlar davridagi o‘tgan yillarda o‘z isbotini topgan birinchi yorqin haqiqat shuki, Tunisda o‘zining fikrlashi va nazariyasida barcha partiyalardan farq qiluvchi yakkayu yagona bitta siyosiy hizb bor, u ham bo‘lsa Hizb ut-Tahrirdir. Faqat shu partiyagina odamlar oldiga to‘g‘ri liniyani chizib, bu ilmoniy qonunlar ostidagi saylovlar hayotdagi hech narsani o‘zgartirolmasligini, bor ovozi bilan hitob qildi. Tunisni qutqaruvchi yagona narsa, uning Islom tuzumi bilan boshqarilishidir, bu siyosiy kuchlar esa, yurtimizni yanada vayron qilishmoqda, yanada qashshoqlashtirishmoqda, mollarini talon-toroj qilishmoqda, ajnabiylar va ularning siyosatiga bo‘lgan qaram va malayligini yanada mustahkamlashmoqda, deya baralla aytib keldi.
Ikkinchi yorqin haqiqat shuki, Tunis xalqining juda-juda ko‘pchiligi Hizb ut-Tahrirni qo‘llab-quvvatlamoqda, uning boshqaruv bo‘yicha siyosiy loyihasiga rozi bo‘lmoqda, Hizb taqdim etgan Islom dasturi asosida islomiy ahkomlar tatbiq etilishi uchun hokimiyatni olishiga muntazir bo‘lib turibdi. Bu musulmon xalq keng qamrovda inqilobiy jarayon bo‘lishini, uning malay siyosiy doiralarda, qonun va dasturlarda, yovuz o‘tmishdagi barcha narsalarda o‘zgarish qilishini xohlamoqda.
Bugun Tunisdagi siyosiy sahnada ushbu yurtni halos etishga faqat Hizb ut-Tahrir qodir. Chunki undan boshqa o‘z rostgo‘yligi va xolisligini isbotlagan hamda yurtni shu ahvolga olib kelgan barcha tuban va razil ishlardan tozaligini ko‘rsata olgan partiya yo‘q.
Biz ushbu haqiqat minbaridan turib, Tunisdagi ahlimizni – barcha hukmron partiyalarni qulatganlaridan so‘ng – Allohga, Rosuliga va Ummatiga xolis bo‘lgan ushbu Hizbning qo‘lidan tutishlariga chaqiramiz. Toki, Hizb ut-Tahrir Tunisni omonlik qirg‘og‘iga eltib, uni butun Islom Ummatining ezgulik bazasiga aylantirsin, Tunisni Muso ibn Nasir, Toriq ibn Ziyod va Uqba ibn Nofe singari salafi solihlar zamonidagi o‘zining nurafshon siyratiga qaytarsin.
Biz Tunisning imoni, tarixi, er o‘g‘lonlari haqqi-hurmatidan Tunis ahliga rostgo‘ylik bilan va xolisona qaynoq da’vatimizni yo‘llaymiz hamda ularni rostgo‘ylik va xolislik pozitsiyasida turishlariga chaqiramiz. Ular bugun xavfli aro yo‘l oldida turibdilar: biri ularni cheksiz ezgulikka olib boradigan yo‘l, ikkinchisi vayrona, xaroba va ayanchli girdobga – Alloh saqlasin – olib boradigan yo‘l.
Alloh Taologa duo qilib so‘raymiz, butun Tunis xalqining, xususan, qudrat ahlining bugungi baxtsiz hayotlaridan ularni xalos etuvchi buyuk rabboniy murojaatimizni qabul qilishlariga ilhom bersin. Alloh Taolo bunday dedi:
يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ
«Ey mo‘minlar, Alloh va Uning Rosuli sizni abadiy hayot beradigan narsaga (ya’ni, dinga) da’vat qilar ekan, uni qabul qilinglar». [Anfol 24]
Roya gazetasidan olindi
