بِسْمِ اللهِ الرَّحْمٰنِ الرَّحِيمِ
Sizni dunyo ofatlari va oxirat azoblaridan qutqaruvchi rabboniy tuzumni tatbiq etishingiz vaqti kelmadimi?!
Bi-Bi-Si veb-sayti (hijriy 1441 yil 25 rajab, milodiy 2020 yil 20 mart juma kuni) nashr qilgan xabarda bunday deyiladi:
«Idriy Lagrini Amirlikda chiqadigan Xalij gazetasiga – aftidan, Korona dahshati ortidan dunyoda yirik o‘zgarishlar bo‘ladigan ko‘rinadi, bu hozirgi mavjud xalqaro tizim tayanchlarini larzaga solib, yangi global tizimga zamin yaratadiganga o‘xshaydi», dedi. O‘z navbatida, Muhammadokif Jamol bunday dedi: «Biz uning mafkuraviy, iqtisodiy, siyosiy va ma’muriy doirasida yashayotgan olamiy tizim vaqti-vaqti bilan uning vujudini larzaga solayotgan jiddiy sinovlarga uchradi. Bu larza mamlakatlar iqtisodiyotiga zarar etkazayotgan moliyaviy krizislar… xavf-xatari mahalliy va regional miqyosdan ham oshib o‘tib ketayotgan atrof-muhitning ifloslanishi… mahalliy nizolarning regional va xalqaro mojaroga aylanib ketishiga olib boradigan siyosiy keskinliklar… ko‘plab davlatlar qarshi kurashga muvaffaq bo‘lolmay qoladigan epidemiyalar shaklida namoyon bo‘lmoqda».
Roya gazetasi sharhi:
Butun olamiy tizim o‘zining er yuzidagi eng mayda narsaga ham qarshi kurasha olmasligini tan oldi va yana o‘z zalolatida davom etib, insoniyatni o‘limga qo‘yib berdi. Vaholanki, bu dardning davosi bor ekanligi ilmiy, tibbiy va shar’iy jihatdan ham isbotlangan. Butun olamga rahmat bo‘lib kelgan Muhammad Mustafo ﷺ
«لِكُلِّ دَاءٍ دَوَاءٌ فَإِذَا أُصِيبَ دَوَاءُ الدَّاءِ بَرَأَ بِإِذْنِ اللَّهِ عَزَّ وَجَلَّ»
«Har bir dardning davosi bor. Agar dardning davosi topilsa Alloh Azza va Jallaning izni ila albatta tuzaladi», deganlar. (Imom Muslim rivoyati). Biroq bugun dunyo sog‘liqni saqlash muassasalari buzuq ilmiy va tibbiy uslubni qo‘llashayotgani hamda bu ishda moddiy manfaatni ustun qo‘yishayotgani sababli kasallik shu darajada murakkablashib ketdiki, natijada odamlarni hech bir asoratlarsiz sog‘aytirishi mumkin bo‘lgan dorini topisholmayapti, topisholmaydi ham. Zero, bu muassasalarning qand kasalligi va qon bosimi singari kasalliklarni muolaja qilish uchun ishlab chiqayotgan dorilari shunday zararli ta’sirlarga egaki, ba’zan bu dorilarning zarari ayni kasallikning o‘zidan ham xavfli chiqmoqda… Ko‘pincha kasallar davolanish uchun bor mulkini sarflashlariga to‘g‘ri kelyapti. Aslida, bu muassasalar o‘zlariga doimiy mijoz topib olishni ko‘zlashadi, kasallarga insoniy munosabatda emas, aksincha, «qiynoqqa soluvchi shaytonlar» kabi muomalada bo‘lishadi.
Katta yoki kichik bo‘lishidan qat’iy nazar, pandemiyaning har qanday turi shu darajada yovuzki, undan tog‘u toshlar va dov-daraxtlar ham tilga kirib, butun insoniyatga, xususan, ularning peshqadami Islom Ummatiga bunday deya hayqirmoqda go‘yo: Bu xalqaro tizimning olovida ming-ming bora jizg‘inak bo‘lganingiz etmadimi?! Nahotki sizni dunyo ofatlari va oxirat azoblaridan qutqaruvchi rabboniy tuzumni tatbiq etishingiz vaqti kelmadi?!
Roya gazetasining 2020 yil 1 aprel chorshanba kungi 280-sonidan
