Jeenbekov Evropadan yordam berish imkoniyatlarini ko‘rib chiqishni iltimos qildi
2-aprelda prezident Sooronbay Jeenbekov Evropa Kengashi raisi Sharl Mishel bilan telefon orqali so‘zlashib, koronavirusga qarshi kurashish choralarini muhokama qilishdi.
Jeenbekov Sharl Misheldan koronavirus infektsiyasi oqibatlarini yumshatish maqsadida Qirg‘izistonga qo‘shimcha yordam ko‘rsatish imkoniyatlarini ko‘rib chiqishni iltimos qildi. Sharl Mishel Evropa Kengashi Qirg‘izistonga moliyaviy yordam ko‘rsatish yo‘llarini ko‘rib chiqishini ma’lum qildi.
Jeenbekov koronavirus infektsiyasi tarqalishini oldini olish va Qirg‘iziston iqtisodiga etishi mumkin bo‘lgan ziyonlarini kamaytirish bo‘yicha ko‘rilayotgan chorala haqida aytib berdi.
Izoh: Qirg‘iziston hukumati o‘z iqtisodiy imkoniyati va kuchini to‘g‘ri baholmay turib mamlakatda favqulotda holat e’lon qildi. Hukumat favqulotda holat e’lon qilish ortidan donor davlatlardan beriladigan grant va qarzlarni qo‘lga kiritish va shu orqali byudjetdagi kamomadni yopishga umid qilgan edi. Shu sababli ham favqulotda holat e’lon qilinganidan hech qancha vaqt o‘tmay Xalqaro valyuta fondidan 121 million dollar qarzi olishga ulgurdi. 2-aprel kuni prezident Sooronbay Jeenbekov BMT bosh qotibi Antoniu Guterrishga murojaat yo‘llab, koronavirus infektsiyasiga qarshi kurash uchun 2 milliard dollarlik insonparvarlik yordam ishlarini boshlash uchun olamiy reja tuzish bo‘yicha tashabbusini qo‘llab-quvvatlashini ma’lum qildi. Demak, qirg‘iz hukumati BMTning bu yordamiga ham ko‘z tikib turipti.
Shu kabi qarz va yordamlardan umid qilgan hukumat odamlarni kunlik tirikchilik manbalari bo‘lgan ishxonalari, do‘konlar, bozorlarini berkitdi. Kunlik tirikchilik qilib turgan barcha xizmat ko‘rsatish muassasalari, xatto, mardikorchiliklarini xam kuch bilan ta’qiqlab qo‘ydi. Evaziga to‘lashi kerak bo‘lgan konpensatsiya xaqida xech qanday gap yo‘q.
G‘arb davlatlari karantin tufayli odam boshiga bir necha minglab dollar tovon puli to‘lay boshlashdi. Hatto, Rossiya prezidenti Putin ham 2-aprel kuni xalqqa qilgan ikkinchi murojaatida fuqarolar uchun ish haqi saqlab qolingan holda 30-aprelga qadar dam olish e’lon qildi. Chunki davlat fuqarolarining asosiy (kundalik) extiyojlarini ta’minlashdan mas’ul.
Qirg‘iziston hukumati esa ba’zi siyosiy vaziyatlarini to‘g‘rilab olish va xalqaro siyosat ajratishi mumkin bo‘lgan yordam pullaridan umid qilib mamlakat va xalqni iqtisodiy inqiroz tomon olib borayabti. Odamlarning yashash darajasi pasayib, jamiyat qashshoqlik tubiga qulay boshladi. Karantin, tovarlar etishmasligidan emas, endi tovarlarni xarid qilish uchun mablag‘lar etishmasligi muammosini keltirib chiqaradi. Bu o‘z navbatida jinoyatchilik, talonchilik, xukumatga qarshi norozilik xarakatlarni kuchaytiradi.
