Qirg‘izistonda referendum o‘tkazish taklif etildi
Qirg‘izistonda 4 oktyabrda davlat boshqaruvining prezident yoki parlament shaklini tanlash bo‘yicha referendum o‘tkazish taklif etildi.
Bu haqda Qirg‘iziston parlamenti matbuot xizmatida ma’lum qilingan.
“1 apreldan ommaviy muhokamaga “Qirg‘iziston Respublikasi davlat tuzilishini belgilash bo‘yicha referendum tayinlash to‘g‘risida”gi qonun loyihasi qo‘yilmoqda”, deyilgan xabarda.
Qonun loyihasida ovoz berish byulletenida savolning quyidagicha qo‘yilishini tasdiqlash taklif qilingan: “Siz Qirg‘iziston Respublikasida davlat boshqaruvining qaysi shaklini qo‘llab-quvvatlaysiz?”. Va bunga ikkita javob varianti – “parlament” va “prezident” beriladi.
Qirg‘izistondagi etakchi guruh hukumatning notovonligi oqibatidan mamlakatni shu kungi nochor holatga solib qo‘yganini yashirish maqsadida bu holatga parlament boshqaruv tizimini aybdor qilmoqchi. Ular boshqaruv tizimini o‘zgartirish bilan xalqni yana chalg‘itmoqchi bo‘lishayapti. Odamlarda tuzumga nisbatan yana quruq umid paydo qilib, shu yo‘l bilan hokimiyatni qo‘llarida yana bir oz ushlab turishmoqchi.
Vaholanki parlament boshqaruvi bo‘ladimi yoki prezidentlik boshqaruvi bo‘ladimi, farqi yo‘q, ikkovi ham kapitalizm boshqaruv sistemasining har-turli yo‘nalishlari bo‘lib, umumiy vaziyatni o‘zgartira olmaydi. Biri doimiy bosh-boshdoqliklar keltirib chiqarsa, ikkinchisi mamlakat manfaatlarini muayyan guruhning diktatorlik rejimi ta’siri ostiga tushirib qo‘yadi. Har ikki holatda ham, xalqqa baxtli (xotirjam) farovon va osoishta hayot baxsh eta olmaydi! Demokratiyada eng cho‘qqiga chiqqan G‘arb olamining shu kundagi hayoti bunga misol bo‘la oladi!
