Koronovirus Evropa Ittifoqining basharasini ochib tashladi!
Bugungi kunda Evropada koronavirus epidemiyasining markaziga aylangan Ispaniya va Italiyaga Evropa Ittifoqining yordam berishdan ojizligi uning zayif ahvolga tushib qolganligini fosh qildi. Bu esa, Evropa Ittifoqiga nisbatan qarshi bayonotlarga sabab bo‘ldi.
Italiyaning Evropa Ittifoqidagi doimiy vakili Maurisio Massari Evropa mamlakatlari Rimga etarli darajada yordam bermayotganiga urg‘u berdi. Massariga ko‘ra, favqulodda vaziyatlarni muvofiqlashtirish markazi orqali Evropa Ittifoqidan “tibbiy asbob-uskunalar etkazib berish” talabi javobsiz qolgach Italiyaning hafsalasi pir bo‘lgan.
Italiya va Ispaniya davlatlarining yordam talablari javobsiz qolgach Italiya bosh vaziri Juzeppe Konte “Sheriklarimiz qalblarni emas, balki hamyonni ustun qo‘yishsa, o‘zimizga ishonishdan boshqa chora qolmaydi”, dedi.
Italiyaning sobiq bosh vaziri Matteo Salvini Evropa Ittifoqini erga urib: “Men EIdan nafratlanaman va undan jirkanaman. U ittifoq emas, balki ilonlar va chiyabo‘rilar uyasidir. Avval virusni mag‘lub qilamiz, keyin EIdan chiqib ketamiz”, dedi.
Ispaniya Bosh vaziri Pedro Sanches esa “Biz naslimizning eng yomon inqiroziga duch kelmoqdamiz. Evropa loyihasining kelajagi xavf ostida. Muvofiqlashtirilgan va sog‘lom Evropa Ittifoqi bo‘lsin yoki individuallik bo‘lsin. Biz ushbu favqulodda vaziyatga umumiy javobni talab qilamiz”, dedi.
Vengriya bosh vaziri Viktor Orban Evropa Ittifoqi zayifligiga ishora qilib, “Biz kuchli Evropa Ittifoqini istaymiz, biz EIning zayif tomonlarini ko‘rishimiz kerak. Ushbu kamchiliklar, ayniqsa ushbu epidemik davrda aniq ko‘rindi. Biz bir-birimizga yordam berishimiz kerak, lekin ichkaridan hech qanday yordam yo‘qligini ko‘ryapmiz. Turkiya va O‘zbekiston hukumatlarining yordami e’tiborga molik va ularga minnatdorchilik bildiramiz. Haqiqiy do‘st og‘ir kuningda bilinadi», dedi.
Ammo afsuslar bo‘lsinki, Erdogan kabi musulmon o‘lkalarning rahbarlari hali ham EIga a’zo bo‘lish ishqida yonmoqda. Salkam 60 yildan buyon EI eshigi tagida yotib “meni ham a’zolikka qabul qilinglar”, yalinib keladi.
2018 yilda Turkiyaning Yovropa Ittifoqi darvozasi oldida 54 yil kutib yotganiga va boshqa biror davlatga bunday munosabat ko‘rsatilmaganligiga ishora qilgan Erdog‘an: “Ular bizning maqsadimizni anglab etishmayapti. Biz EIga og‘ir yuk bo‘lish uchun emas, balki ularning yukini ko‘tarish uchun kelmoqdamiz. Ammo ular bizni tushunishmayapti, tushunishni xohlamayapti. Ammo biz hali ham sodiqmiz. Evropa Ittifoqi darvozasida bunchalik kuttirilgan bizdan boshqa hech bir mamlakat yo‘q”, degan edi.
Eng achinarlisi, buning uchun EIning razil talablariga rozi bo‘lib, mamlakatda zinoga ochiq ruxsat berilishi bo‘ldi.
Zinokorlik, ya’ni jamiyatning tamal asoslaridan biri bo‘lgan oila uchun eng katta xavf va axloqsizlikka, o‘zini “Islomiy” deb belgilagan hokimiyat davrida yo‘l ochildi. Evropa Ittifoqining “Muzokaralarni boshlamaymiz” tahdidiga bosh eggan (Erdog‘an boshchiligidagi) Adolat va taraqqiyot partiyasi 2004 yil 26 sentyabrda parlamentda qabul qilingan qonun bilan zinoni jinoyatchilik doirasidan chiqarib tashladi. O‘sha paytda to‘xtatilgan muzokaralar va EIning tahdidi bilan harakat qilgan hukumat, EIning zinoga bo‘lgan talabiga bo‘ysundi. Shunday qilib, zino Turkiya jumhuriyati tarixida birinchi marta jinoyat doirasidan chiqarildi. Evropa Ittifoqi Komissiyasining kengayish bo‘yicha mas’ul bo‘lgan a’zosi Gyunter Verheugen “Bosh vazir (Erdog‘an) zinokorlik olib tashlanganiga bizni ishontirdi. Endi Turkiya oldida hech qanday to‘siq qolmadi”, deya bayonot berdi. (Milliy gazeta, 21 fevral 2018 yil)
Erdog‘an Evropa parlamenti prezidenti bilan qo‘shma matbuot anjumanida “bizdan keyin nima sodir bo‘lishini bilmayman, ammo biz hokimiyatda bo‘lganimizda (zinokorlikni taqiqlash) masalasi qayta ko‘tarilmaydi” dedi. (Sabah gazetasi, 24 sentyabr. 2004 yil)
Bu haqda Erdoganning o‘zi ham “Evropa Ittifoqi zinoga qo‘yilgan taqiqni olib tashlashni so‘radi, biz uni olib tashladik, ammo noto‘g‘ri qildik”, deb ochiq aytdi. Natijada zinokorlik jinoyati kundan kunga ortib, 790 foizga etgan dahshatli vaziyat yuzaga keldi.
Turkiya EIga a’zo bo‘lmay turib shu ahvolga tushdi, a’zo bo‘lgandan keyin nima bo‘ladi, o‘ylab ko‘ravering. Shuning uchun o‘zini qutqarishdan ojiz bo‘lgan EIdan najot kutish siyosiy jihatdan o‘z joniga qasd qilishdan boshqa narsa emas.
Bugungi kundagi Islom Ummati muammosining yagona echimi Allohning shariati bilan hukm yuritadigan Xalifalik davlatini tiklashdir. (Bunga dalil keltirishga hojat bo‘lmasa kerak). Shunday ekan, Qalbida zarracha Ummat dardi bo‘lgan musulmon qo‘lidan kelganicha ushbu davlatni tiklashga o‘z hissasini qo‘shib qolsin.
يَاأَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ
Ey mo‘minlar, Alloh va Uning payg‘ambari sizlarni abadiy hayot beradigan narsaga (ya’ni, dinga) da’vat qilar ekan, uni qabul qilinglar va bilinglarki, shubhasiz, Alloh har bir kishi bilan uning qalbi o‘rtasini egallab turur va shubhasiz, Uning huzuriga to‘planursizlar.
Qiyomuddin Sharif
