Qirg‘iziston va Tojikiston chegaradagi mojaroda bir-birini aybladi
10 yanvarga o‘tar kechasi qirg‘iz-tojik chegarasida sodir bo‘lgan mojaroni Tojikiston chegara xizmati izohlab, janjalda Qirg‘izistonning Botken viloyatidagi Ko‘ktosh qishlog‘i aholisini aybladi.
Tojikiston tarqatgan ma’lumotga ko‘ra, Ko‘ktosh qishlog‘i aholisi vakillaridan bir guruhi to‘planib, yo‘ldan o‘tayotgan Tojikiston fuqarolari harakatlanishiga to‘sqinlik qilgan, Tojikiston fuqarosi mashinasini toshbo‘ron qilgan. Shundan so‘ng Tojikiston fuqarolari qirg‘izistonliklar avtomobillarini toshbo‘ron qilgan. Shuningdek, Tojikiston tarafi qirg‘izistonliklar ikki marta ovchi miltig‘idan o‘q otganini iddao qildi.
Qirg‘iz chegarachilari xabariga ko‘ra, o‘q faqat Tojikiston tomonidan otilgan va bu holat 10 yanvar ertalab soat 6 gacha davom etgan.
Qirg‘iziston chegarachilari tarqatgan ma’lumotga ko‘ra,10 yanvarga o‘tar kechasi soat 00:40 larda Qirg‘izistonning Botken viloyati Botken tumani hududiga kirgan Yakkao‘rik degan joyda noma’lum shaxslar Botken shahriga yo‘l olgan qirg‘izistonlikning avtomashinasini toshbo‘ron qilgan. Keyin hujumchilar Tojikiston hududiga kirib ketgan.
Shundan tahminan bir soat keyin tojikistonliklar Botken shahridan Ko‘ktosh qishlog‘iga ketayotgan boshqa bir qirg‘izistonlikning avtomobilini toshbo‘ron qilgan. Har ikkala holatda ham mashinalarning oynalari singan hamda birinchi avtomobil’ ichida bo‘lganlar jabrlanganlar.
Izoh: Biz musulmonlar Islom dinini mahkam ushlagan vaqtimizda yurtlarni fath qilib, insoniyatni johiliyat qorong‘uligidan Islom nuri va adolatiga olib chiqqan edik. Bugungi kuna kofir g‘arb faxrlanayotgan dunyo tamadduniga ham musulmonlar asos solishgan edi. Ammo Islomdan uzoqlasha boshlaganimizdan so‘ng dunyo karvonidan ortda qolib, mustamlakachi kufr davlatlari qo‘lida qo‘g‘irchoq bo‘ldik, bu kufr davlatlari manfaatlari yo‘lida bir-birimiz bilan adovat qilib kurashga kirishadigan va hatto qurol ko‘taradigan holatga tushdik.
Qirg‘iz-tojik chegarasida surunkali davom etib kelayotgan mojarolar ham ayni mustamlakachi davlatlar, xususan, Rossiya manfaatlarini ro‘yobga chiqarish uchun amalga oshirib kelinayotgani bugungi kunda aqli raso har bir odamga sir bo‘lmay qoldi. Agar Rossiyaning roziligi yoki buyrug‘i bo‘lmasa bizning hukumat rahbarlari bir-biriga o‘q uzayotgan fuqarolari qilmishidan ko‘z yumib turish u yoqda tursin, hatto bir-biriga ko‘z olaytirib qarashga jur’at ham qilisha olmaydi. Agar rus hukumati chegaralarda tinchlik hukm surishidan manfaatdor bo‘lganida bizning rahbarlar bir-biriga qurol o‘qtalayotgan harbiylar va fuqarolarini bir zumda tiyib qo‘ygan bo‘lar edi. Ammo hozircha Rossiyaga chegaralardagi tinchlik kerak emas. Aksincha u chegaralardagi mojaro, tiqilinch va davlatlar o‘rtasida erkin harakatlanishni cheklash orqali bizning hukumatlarga bosim o‘tkazish muhimroq bo‘lib turipti.
Abdurahmon Odilov
