Hizb ut-Tahrir Ummat ichidan chiqqan bo‘lib, Ummatga xizmat qiladi
U shuningdek, noma’lum va noaniq emas!
Prezidentlikka nomzodlardan biri, milliy xavfsizlik idorasining sobiq mudiri Rahmatulloh Nabil payshanba kuni saylovlardagi mag‘lubiyati haqida o‘tkazgan matbuot anjumanida shunday bayonot berdi: «IShID xatari ortmoqda… Nomlari tanish bo‘lmagan partiya va tashkilotlar bugun aniq pozitsiyani egallamoqda. Afg‘onistonning bir necha mintaqalarida Hizb ut-Tahrirning xatari ortmoqda. Shuningdek, u IShID bilan tobora yaqinlashmoqda».
Hizb ut-Tahrir – Afg‘oniston viloyati matbuot bo‘limi Afg‘onistondagi axborot vositalari va u erdagi musulmonlar bilan Rahmatulloh Nabilning dalilsiz bayonotiga aloqador quyidagi mavzular bilan o‘rtoqlashmoqchi:
Bugun Afg‘onistondagi mujohid musulmonlar, shu jumladan, xolis ulamolar, o‘z ta’siriga ega qabilalar, siyosiy etakchilar va yoshlarning barchasi Hizb ut-Tahrirni biladilar. Shuningdek, ular Hizbning programmasini bilishadi va Hizb a’zolari bilan aloqalari bor. Chunki Hizb ut-Tahrir Afg‘oniston mujohidlarining farzandlari va aka-ukalaridir. Shuning uchun Hizb va uning a’zolari noma’lum va noaniq bo‘lishi mumkin emas.
Hizb ut-Tahrir Islomiy Ummat, shu jumladan, Afg‘onistondagi mujohid musulmonlarni etaklash uchun malollanmay va charchamay harakat qilmoqda. Ularni dunyoyu oxiratdagi afzal hayot sari etaklamoqda. Shuning uchun u biror kun ham afg‘on musulmonlariga xatar tug‘dirgan emas. Lekin voqeda ongsiz, fikrsiz hamda ajnabiy davlat va razvedka idoralari bilan til biriktirgan siyosatchilar afg‘on musulmonlarining boyliklari, manzillari, qadriyatlari va aqidalarini takror va takror xatarga qo‘ygan.
IShID tashkiloti 2014 yili O‘rta Sharqda paydo bo‘lgan kundayoq Hizb ut-Tahrir u haqida o‘z pozitsiyasini bildirgan. Uning shubhali ishlari va jinoyatlari bilan Islom va musulmonlarga zarar keltirishi va Islom dushmanlariga xizmat qilishi haqida aytgan. Bugun o‘sha haqiqatlar butun olamga yorqin namoyon bo‘ldi. Shuning uchun Hizb ut-Tahrirni IShIDga aloqasi bor deb ayblash, sayoz fikrli siyosatchilarning siyosiy ko‘rligini fosh qilmoqda.
Afg‘on mujohidlari Rahmatulloh Nabilni Hizb ut-Tahrirning Ummatni birlashtirish va Afg‘onistonda Xalifalikni barpo qilish borasidagi fikrlariga qarshi kurashda muvaffaqiyatsizlikka uchraganini yaxshi bilishadi. Hatto Nabil milliy xavfsizlik idorasi mudiri lavozimida ishlayotgan paytda katta sondagi da’vatchilarni, xususan Hizb ut-Tahrir a’zolarini qamoqqa tashladi va azobladi. Bugun esa, Rahmatulloh Nabil buzuq demokratik saylovlar natijasidan hafsalasi pir bo‘ldi. Shuning uchun Hizb ut-Tahrir partiyasini ayblash orqali siyosiy muvaffaqiyatsizligini yashirishga urinmoqda.
