Abdulaziz Komilov: Tolibon urushni to‘xtatishga tayyor
O‘zbekiston tashqi ishlar vaziri Abdulaziz Komilov Afg‘onistondagi tolibon harakati urushni to‘xtatishga tayyor ekanini bildirdi.
“Bugun ertalab (27.12.2019) xabar keldi, Tolibonlar urush, qurol ishlatishni va zo‘ravonlikni to‘xtatishga tayyorligini bildirdi. Ushbu qaror Afg‘oniston hukumati bilan to‘g‘ridan-to‘g‘ri muzokaralarni boshlashga yo‘l ochib berishi mumkin. Bu masalani muhokama qilish uchun ikki tomondan delegatsiyalar shakllantiriladi.
Biroq bu bilan Afg‘onistonda tinchlik birdan o‘rnatiladi deb bo‘lmaydi, chunki muzokaralar uzoq davom etadi va umid qilamizki, bir echimga kelinadi. Shuni ta’kidlash ham kerakki, O‘zbekiston afg‘on xalqiga yordam berishga va tinchlik o‘rnatish jarayonlarini qo‘llab-quvvatlashga hamisha tayyor”, – deya xabar berdi Abdulaziz Komilov.
Izoh: Afg‘on urushi AQSh tarixidagi eng uzoq vaqt davom etgan urushga aylandi. O‘tgan vaqt davomida AQSh duchor bo‘lgan moddiy va insoniy yo‘qotishlar uning iqtisodiga jiddiy zarar etkazdi. Tabiiyki, u Afg‘onistonga bostirib kirar ekan musulmonlar tomonidan bunday jiddiy qarshilikka duch kelishini o‘ylab ham ko‘rmagan edi. AQSh va koalitsiya tomonidan olib borilgan harbiy harakatlar deyarli hech qanday natija bermadi. U sharmandali mag‘lubiyatga uchrashiga bir qadam qolgan edi. Ammo afsuski, musulmonlar (Tolibon) yana kufr tomonidan qo‘yilgan tuzoqqa ilingani qoldi, chunki u “tinchlik muzokaralari” olib borishga rozi bo‘lmoqchi. Aslida Amerika Afg‘onistonda tinchlik o‘rnatishga harakat qilayotgani yo‘q, balki Tolibon harakatiga qarshi turli fitnalarni rejalashtirmoqda. U siyosiy muzokara va makrlar orqali Tolibon harakati o‘rtasini bo‘lish va shu orqali o‘z mag‘lubiyatini yashirishga harakat qilmoqda. Tolibonni urushni to‘xtatish to‘g‘risidagi qarori agar rost bo‘ladigan bo‘lsa bu AQSh o‘z ko‘zlagan maqsadiga etganini anglatadi. Tolibon harakati garchi AQShni muzokaralar stoliga o‘tirishga majbur qilgandek ko‘rinsada, aslida bu uning mag‘lubiyati bo‘ladi.
Abdurahmon Odilov
