بِسْمِ اللهِ الرَّحْمٰنِ الرَّحِيمِ
Falastin rejimi Islom dushmanlari programmasini ijro qilish bilan ayollarni buzishga, «CEDAW» konventsiyasini tatbiq qilish bilan esa, oilalarni vayron qilishga zo‘r berib harakat qilmoqda
Falastin ma’muriyati Vazirlar kengashi shaxsiy holatlar bilan bog‘liq qonunning 5-moddasiga o‘zgartish kiritish bilan yigit va qizlarning nikoh qurish yoshini 18 yoshga o‘zgartirish to‘g‘risidagi qarorni prezidentga taqdim qildi. Hozir bu qaror qonunga aylanish uchun prezident imzosini kutmoqda.
O‘z navbatida, Hizb ut-Tahrir – muborak Falastin zamini juma kuni chiqargan varaqada quyidagilarni ta’kidladi:
«Falastin rejimi amalga oshirmoqchi bo‘layotgan va feministik tashkilotlar oila mustahkamligi uchun, deya oqlamoqchi bo‘layotgan bu qaror jinoyatdir, unga bo‘lgan har qancha oqlovlar yolg‘ondir. Chunki bu rejim ham, feministik tashkilotlar ham, G‘arb tomonidan moliyalashtiriluvchi shubha ostidagi tomonlar ham jamiyatimizni buzish uchun bor kuchlarini ayashmayapti. Buni raqs va kuy-qo‘shiq festivallari, marafonlar hamda erkak-ayol aralash tadbirlar orqali amalga oshirishmoqchi bo‘lishdi. Endi bo‘lsa, nikoh qurishni kechiktirishmoqchi bo‘lishyapti».
Varaqada yana quyidagilarga e’tibor qaratildi:
«Rejimning ushbu qarori hamda feministik tashkilotlar va boshqa muassasalar tomonidan o‘tkazilayotgan buzg‘unchilik tadbirlarini himoya qilayotgani – Islom dushmanlari ko‘rsatmalarini amalga oshirish hamda noming o‘chkur «CEDAW» konventsiyasini ijro etishdir. Rejimning ayni qarori shar’iy ahkomlardan ancha-munchasi saqlanib qolayotgan shaxsiy holatlar qonunini bekor qilinishiga zamin tayyorlaydi. Shuningdek, rejimning axloqiy tanazzul va buzilishga, oila parokandaligiga etaklaydi!».
Varaqada ta’kidlanishicha, rejim imzo chekkanligi bilan og‘iz ko‘pirtirib gapirayotgan «CEDAW» konventsiyasidan maqsad, dunyo xalqlarini, xususan, musulmonlarni G‘arbning iflos qadriyatlarini olishga targ‘ib qilish hamda erkak-ayol o‘rtasidagi munosabatlarga oid g‘arbcha turmush tarzini qabul qilishga undashdir. Shuningdek, konventsiya bandlari shaxsiy holatlar to‘g‘risidagi qonunga doir shar’iy ahkomlarni bekor qilishga qaratilgan. Shuningdek, varaqada «Bu mustamlakachi G‘arb bizga yaxshilik etishini hamda musulmonlarning ayollari aziz-mukarram bo‘lishini hargiz istamaydi. Aksincha, bu kofirlar ayollarimizni ko‘rgazmaga qo‘yish va lazzatlanish uchun arzon tovarga aylantirishni, jamiyatimizda saqlanib qolgan poklik va iffatga hasad qilib, ularni yo‘q qilishni xohlashadi», deyiladi. So‘ng varaqa Falastin ahliga quyidagicha murojaat qilish bilan tamomlanadi:
«Ey Falastin ahli! Qonun va dusturlarga o‘zgartish kiritish –mustamlakachi kofirlarning hujumi bo‘lib, undan qonunlaringiz, ta’lim dasturlaringiz va turmush tarzingizni nishonga olishgan. Ular shu orqali muborak Falastin zamini va uning muqaddas dargohlaridan voz kechishga tayyor avlodni etishtirib chiqarishdek iflos maqsadlariga erishishmoqchi. Buni amalga oshirishdagi asosiy qurollari esa, Falastin rejimi va shubha ostidagi tashkilotlardir. Bas, rejimdagilarning jinoyatlariga sukut qilsangiz hamda buzg‘unchilik va jinoyatkorlik siyosatlariga qarshi turmasangiz, nima bo‘lishi mumkin, tasavvur qilavering?!
Roya gazetasidan olindi
