بِسْمِ اللهِ الرَّحْمٰنِ الرَّحِيمِ
Abu Ahmad Tinchlik bo‘yicha Nobel mukofotini nima uchun oldi?!
Al-Jazira net veb-sayti (hijriy 1441 yil 12 safar, milodiy 2019 yil 11 oktyabr juma kuni) nashr qilgan xabarda bunday deyiladi:
«Juma kuni ertalab Norvegiya Nobel mukofoti qo‘mitasi, ayni mukofotga nomzod bo‘lgan uch yuz shaxs orasidan, Efiopiya bosh vaziri Abu Ahmadni loyiq deb e’lon qildi.
Roya gazetasi sharhi:
Shu kunga qadar tinchlik uchun Nobel mukofotiga, butun G‘arb, xususan, AQSh manfaatlariga xizmat qiluvchi biror muhim siyosiy yutuqlarga erishgan kishilargina loyiq ko‘rilgan. Xo‘sh, Abu Ahmad ayni mukofotni qo‘lga kiritishga loyiq qanday siyosiy yutuqqa erishdi?!
Abu Ahmad xalqqa milliy taassubdan uzoq siyosiy birlik haqida murojaat yo‘lladi. Hokimiyatini esa, kuchli tigray millatiga qarashli xavfsizlik xizmati bilan mustahkamladi. Bu millat davlatdagi yuqori markaz va mansablarni egallab, boshqa millatlardagi raqiblariga qarshi tura oladigan mavqega chiqish uchun uni qo‘llab-quvvatlagan edi. Abu Ahmad armiya ichkarisida o‘ziga bir guruh ofitserlardan tashkil topgan muvaffaqiyatli harbiy ittifoq paydo qildi. Bu ittifoq turli millat vakillaridan hamda generallar unvoniga ko‘tarilib, hokimiyatda noyob harbiy qo‘mondon sifatida harakat qilgan sobiq Bosh shtab boshlig‘ini ishdan haydashga muvaffaq bo‘lgan zobitlardan tashkil topgan edi. Keyin Abu Ahmad kompьyuter josuslik dasturi va tizimlari yordamida o‘ziga qarashli xavfsizlik va razvedka xizmati qo‘mondonlari tayinladi. So‘ng turli millatli qo‘mondonlarni, hatto chetlatilgan qo‘mondonlarni ham tayinlash orqali nufuzi doirasini kengaytirdi… Bular uning qudrat tayanchlarini yanada mustahkamlanishiga xizmat qildi.
Xorijiy sohada, Efiopiyaga zulm o‘tkazib, uning o‘sishini kechiktirayotgan qo‘shni Eritreya bilan bo‘lgan nizoga AQSh ko‘rsatmasi asosida yakun yasadi va bu qadamlari bilan katta shuhrat qozondi.
Keyin davlat sektorlarini xususiylashtirishga kirishib, shu orqali AQSh va G‘arb shirkatlarining Efiopiya iqtisodiga o‘z nufuzlarini kiritib olishlariga imkon yaratdi, ularga hech qanday harbiy byurokratik to‘siqlar bo‘lmadi.
Va nihoyat, Amerika Abu Ahmadni Sudanga yordam berishga jo‘natdi. Maqsadi, ushbu yangi efiopiyacha hokimiyat modelini namuna sifatida taqdim qilish, harbiy va siyosiy ikki nufuzni qorishtirib, barqarorlik o‘rnatish. Bu barqarorlik Amerika va G‘arbning harbiy va fuqaroviy malaylaridan iborat ikki nufuzli o‘yinchilar ishtirokida demokratiya o‘yinini olib borib, hokimiyatni nazorat ostiga olish va xalq qo‘zg‘olonini yo‘q qilishga asoslanadi.
Abu Ahmadni tinchlik bo‘yicha Nobel mukofotiga loyiq qilgan narsa mana shu «yutuqlar»dir. Bu yutuqlarning barchasi Amerika buyruqlari asosida bo‘lgani oydek ravshan.
Roya gazetasining 2019 yil 16 oktyabr chorshanba kungi 256-sonidan
