AQSh va Rossiya terrorizm (Islom)ga qarshi kurash masalalarini muhokama qildi
AQSh davlat kotibi Jon Sallivan va Rossiya tashqi ishlar vazirining oʻrinbosari Oleg Siromoltov 9-sentyabrda Venada terrorizmga qarshi kurash boʻyicha navbatdagi uchrashuvni oʻtkazishadi.
“Sallivan Siromolotov bilan maʼlumot almashish, Birlashgan Millatlar Tashkilotida terrorchilar roʻyxatini aniqlash, xorijiy jangarilar, terrorizmni moliyalash, aviatsiya xavfsizligi va xalqaro terrorizm tahdidi hamda boshqa dolzarb mavzularni muhokama qilishadi”, – deyiladi Davlat departamenti xabarida.
Siromolotov bulardan tashqari, “IShID” tashkilotining Afgʻonistondagi harakatlari ham muhokama qilinishini maʼlum qildi.
Uning “TASS” agentligiga aytishicha, terrorizmga qarshi kurash boʻyicha hamkorlik boshqa tarmoqlardagi munosabatlarda ham ikki tomonlama ishonchni mustahkamlashga yordam beradi.
Izoh: “Terrorizm”ga qarshi kurash niqobi ostida Islom va musulmonlarga qarshi olib borilayotgan urushda karvonboshilik qilayotgan AQSh 2011-yili kurash uslubini oʻzgartirib, endilikda Islomga qarshi kurashda mafkuraviy kuchga suyanishini eʼlon qildi. Ammo AQShning bu taktikasi Suriya qoʻzgʻolonida magʻlubiyatga uchradi. Suriya xalqining zulm va qirgʻin, qamal va ocharchilikka qaramay Islomdan boshqa yechimga rozi boʻlmasdan sabot bilan turishlari AQSh taklif qilgan uslub va mafkura Islom mafkurasi oldida bir tiyinga ham qimmat ekanligini isbotlab qoʻydi. Shundan soʻng AQSh yana qayta Haq va botil oʻrtasidagi kurashda kuchga suyana boshladi. Bu kurashdan imkon qadar moddiy yoʻqotishlarsiz chiqish uchun Suriya urushiga Rossiyani jalb qildi va bu ishini “terrorizmga qarshi kurashda hamkorlik” bilan oqlamoqchi boʻldi. AQSh tomonidan ruxsat olgan Rossiya Suriya urushiga kirishdi va Putinning taʼbiri bilan aytganda “Suriyadagi urush Rossiya uchun eng zamonaviy harbiy qurol-aslahalari namunalarini ishlatish uchun qulay poligon” vazifasini oʻtadi. Buning natijasida esa yuz minglab tinch aholi vakillari, jumladan, ayollar va yosh bolalar qurbon boʻldi.
Bundan tashqari, Rossiya AQShning “terrorizmga” qarshi kurashi doirasida Afgʻonistondagi “IShID” vahimasini boʻrttirib koʻrsatish orqali oʻzining Oʻrta Osiyodagi harbiy ishtirokini kuchaytirmoqda. Rossiya mudofaa vaziri Sergey Shoygu Moskvada boʻlib oʻtgan selektor yigʻilishida 16 sentyabrdan 21 sentyabr kunlari “Markaz-2019” harbiy mashgʻulotlari oʻtakzilishini maʼlum qildi. Mashgʻulotlarda 8 mamlakat – Rossiya, Qozogʻiston, Xitoy, Pokiston, Hindiston, Tojikiston, Qirgʻiziston va Oʻzbekistonning harbiy kontingenti ishtirok etadi.
Rossiya mudofaa vaziri oʻrinbosari, general-leytenant Yunus-Bek Yevkurov “Markaz-2019” harbiy mashgʻulotlari doirasida Afgʻonistondagi vaziyat tufayli dunyoning eng tahdidli nuqtalaridan biri boʻlib qolayotgan Markaziy Osiyoda xavfsizlikni taʼminlash yuzasidan vazifalar amalda sinalishini maʼlum qildi.
Abdurahmon Odilov
