بِسْمِ اللهِ الرَّحْمٰنِ الرَّحِيمِ
Islom hamkorlik tashkiloti Falastinni sotib, Quddusdan voz kechmoqda
Maan axborot agentligi veb-sayti (hijriy 1440 yil 15 zul-qaʼda, milodiy 2019 yil 18 iyul payshanba kuni) nashr qilgan xabarda bunday deyiladi:
“Kecha chorshanba kuni Islom hamkorlik tashkiloti tashqi ishlar vazirlari kengashi yahudiylar vujudining Quddusi Sharif shahrida sodir etayotgan qonunbuzarliklari boʻyicha oʻtkazgan “favqulodda uchrashuv”ini yakunladi. Yigʻin chogʻida bosib olingan Quddus shahrining tarixiy va qonuniy vaziyatini oʻzgartirish urinishlari davom etayotganidan hamda u yerga baʼzi davlatlarning diplomatik vakolatxonalari koʻchirilayotganidan xavotir bildirdilar. Ular Xalqaro hamjamiyatdan oʻz masʼuliyatiga xalqaro qonunlar boʻyicha amal qilishini hamda yahudiylar tomonidan sodir etilayotgan bunday xatarli choralarga chek qoʻyishni talab qildilar, ayni vaziyatni saqlab qolish uchun hech qanday yordam koʻrsatmaslikka chaqirdilar”.
Roya gazetasi sharhi:
“Islom hamkorlik tashkilotiga aʼzo davlatlar – garchi uchrashuvlarini “favqulodda” ekanini daʼvo qilayotgan boʻlsalar-da – biroq ular odatdagidek zimmalariga yuklangan vazifani, yaʼni ming xijolat bilan boʻlsa ham, yahudiylar vujudini qoralab, norozilik bildirib turish vazifasini ado etish bilan band. Yahudiylar vujudi butun muborak Falastin zaminida xususan, Quddus shahrida oʻz jinoyatlarini avj oldirgan bir paytda jamoatchilikni chalgʻitish va ovozlarni oʻchirish uchun Islom hamkorlik tashkilotining ushbu yigʻini oʻtkazilmoqda. Zero, koʻchib kelib, joylashib olgan yahudiy toʻdalari va yahud vujudi rahbarlarining jinoyatlari Aqso masjidiga bostirib kirib, oyoq osti qilishdan boshlab Quddus aholisi uy joylarini “ruxsatsiz egallab olingan” degan bahona bilan buzib tashlashgacha… Aqso masjidining osti va atrofidan tunnelь qazishgacha yetib bordi. Bunday tunellarning navbatdagisi yangi ochilgan “yahudiy hojilari yoʻli”, degan tunnelь boʻlib, uning uzunligi Barakati Silvondan to muborak Aqso masjidi janubi Silvon baladiyasi pastidagi Buroq devorigacha choʻzilgan.
Biz musulmonlar jinoyatkor rejimlar va ularning omadsiz tashkilotlarining bu kabi uchrashuvlardan oʻnlab yillardan beri gʻoyat zada boʻldik. Mustamlakachi kofir Gʻarbga malaylik qilishda rejimlardan farq qilmaydigan bu tashkilotlar uchrashuvi odatda, yahudiylar vujudi tomonidan Falastin ahli va muqaddas dargohlariga qarshi qator jinoyatlar sodir etilishi ortidan oʻtkaziladi. Uchrashuvlari yakunida qabul qilishgan siyqasi chiqqan bayonotlari esa, qogʻozdagi siyoh boʻyicha qolib ketaveradi. Masalan, bu safargi “favqulodda” uchrashuvlarining yakuniy bayonotida ham yahudiylar vujudining Falastin ahlini Quddus shahridagi oʻz uy-joylaridan majburan koʻchirish siyosati qoralab qoʻyildi… Toʻgʻri, uy-joylar qurish, qoʻshib olish, devorlar oʻrnatish va Quddusdagi harami sharif osti va atrofida tunnelь qazish ishlarini olib borish kabi barcha mustamlakachilik harakatlariga qarshi chiqildi… Muborak Aqso masjidi muqaddasligiga daxl qilish, amaldor va koʻchib kelib joylashib olgan yahudiylarning u yerga tinimsiz bostirib kirishi xavfidan ham ogohlantirishdi… Shuningdek, yahudiylarning bu va boshqa barcha millatchilik va dushmanchilik qilmishlari javobgarligi yahudiylar vujudiga yuklatildi… Biroq bu bayonotlarning barchasi ijrosiz qolib ketaveradi.
Bunday xoinlik bayonotlari hali qabul qilinmasdan oldinoq qanday mazmunda boʻlishi maʼlum edi. Hammasi qoralash, norozilik bildirish, ogohlantirish, javobgarlik yuklash… kabi soʻzlardan nariga oʻtmaydi! Keyin uchrashuvda hukmdorlar va ularning gumashtalari, ijirgʻanib boʻlsa ham ishshayib esdalikka rasmga tushishadi… Zotan, ularning har biri xorlik, rasvolik, yuvindixoʻrlik va xoinlikni oʻziga munosib koʻrishgan hamda Allohning ahkomlariga jurʼat qilgan kimsalar boʻlib, ular oʻzlarining kun tartiblaridan sharʼiy hukmni chiqarib tashlashgan… Yaʼni ular ushbu muborak zaminni va Aqsoni ozod etish uchun zudlik bilan harakatga kelish vazifasini Ummat armiyasi zimmasiga yuklayotgan hukmlarni kun tartibidan chiqarib tashlashgan. Bu malaylar ayni sharʼiy hukmga rozi boʻlish oʻrniga, yahudiylar vujudining muborak Falastindagi aksar yeriga ega boʻlishlarini qonuniy deb tan olishdi. Bosqinchilarning Gʻarbiy Sohil va Gʻazo sektorida Falastin ahliga qarshi jinoyatlarini nomiga qoralab qoʻyishdi, xolos.
Musulmonlarga bunday malay rejimlarga qarshi koʻtarilib, barchasini agʻdarib, xarobalari uzra Paygʻambarlik minhoji asosidagi roshid Xalifalik davlatini barpo etish vaqti kelmadimi, axir, kuch-qudrat va ulugʻliklari shu davlatda-ku?!
Roya gazetasining 2019 yil 24 iyul chorshanba kungi 244-sonidan
