بِسْمِ اللهِ الرَّحْمٰنِ الرَّحِيمِ
Hizb ut-Tahrir – Bangladesh viloyati internet orqali konferentsiya oʻtkazdi
2019 yil 5 iyul juma kuni Hizb ut-Tahrir – Bangladesh viloyati internet orqali iqtisodiy konferentsiya oʻtkazdi. Hukumat tomonidan “Islomiy Xalifalikning iqtisodiy qarashlari” nomli ushbu konferentsiyaga turli toʻsiqlar qoʻyilgan boʻlsa-da, biroq u “Voqeya” telekanali orqali butun dunyoga tarqatildi. Hasina rejimi “texnik sabablar”ni bahona qilib, yurtdagi internet xizmati tezligini sekinlashtirib qoʻydi va shu orqali bangladeshliklarni qoʻl telefoni yordamida konferentsiyani tomosha qilishdan toʻsishga urindi. Ilgari ham transport vositalarini toʻxtatib qoʻyish bilan odamlarni norozilik namoyishiga chiqishlariga toʻsiq qoʻymoqchi boʻlgan edi. Biroq bu safar ham koʻrgan nopok choralari omadsizlikka uchradi, odamlarni konferentsiyada qatnashishdan toʻsolmadi. Odamlar uni yakka-yakka va toʻplanib olib gʻoyat hayajon bilan kuzatdilar…
Konferentsiyada yurtdagi mavjud siyosiy va iqtisodiy vaziyat nuqtai nazaridan, yetti punktdan iborat siyosiy dastur eʼlon qilindi: Bangladesh musulmon oʻlkadir, uning ilmoniylik bilan boshqarilishiga rozi boʻlmasligimiz kerak. Aksincha, Ummatni birlashtiruvchi Paygʻambarlik minhoji asosidagi Xalifalikni barpo etish loyihasini qabul qilmogʻimiz lozim. Hasina koʻtarib chiqayotgan “rivojlanish siyosati”ni esa, uloqtiramiz, chunki bu hukmron tuzum mustamlakachilar eʼtiqodiga amal qiluvchi kapitalistik tuzumdir. Siyosatimiz va iqtisodimiz ustidan AQSh, Britaniya va Hindiston kabi davlatlarning hukmronlik qilishiga qarshi turmoq lozim. Ushbu siyosiy dasturlarni eʼlon etilishidan oldin konferentsiyaning birinchi nutqida Shayxa Hasinaning “rivojlanish siyosati” haqida soʻz yuritildi. Unga koʻra, oʻtgan oʻn yil ichida bu rejim yurtning na asosiy infratuzilmasini bildi, na odamlarning asosiy ehtiyojlarini, balki bulardan koʻz yumdi. Shunga qaramay, hukumat “yirik loyihalar”ga sarmoya yotqizmoqda. Bu loyihalarni moliyalashtirish uchun odamlarga daromad soligʻi va qoʻshilgan qiymat soligʻi kabi toʻlovlarni zoʻrlab tiqishtiryapti. Bu esa, elektr energiyasi va gaz narxining yanada oshishiga, boshqa turli narsalarning bahosi chidab boʻlmas darajada koʻtarilib ketishiga olib kelmoqda. Bu loyihalar orqali qancha-qancha korruptsiya ishlari boʻlishi ham sir emas.
Keyin ikkinchi maʼruzada quyidagilar taʼkidlandi:
Shayxa Hasina ogʻiz koʻpirtirib maqtanayotgan “rivojlanish siyosati” Avomi ligasi bilan Bengal Xalq partiyalarining oʻnlab yillardan beri olib borgan siyosatining muvaffaqiyatsizlikka uchraganidan darak bermoqda. Ammo Islom boshqaruvida bunday boʻlmaydi. Unda oʻz potentsial va boyliklarimizdan oqilona foydalanish orqali ulkan rivojlanishga erishishimiz mumkin. Shuning uchun biz odamlarni anavi Hasina davlati kabi “yuqori daromadli” davlatlar haqida xomxayollar qurmaslikka chaqiramiz. Ularga butun dunyoni siyosiy va iqtisodiy jihatdan boshqarishga qodir davlat haqida fikr beramiz. Bu Allohning izni ila, yaqinlashib kelayotgan roshid Xalifalikning iqtisodiy qarashlaridir.
Uchinchi maʼruzada konferentsiyaning yakuni sifatida, siyosiy dastur taqdim etildi. Xolis, ongli, mard siyosatchilar va harbiy zobitlarga murojaat qilindi va ular Hizb ut-Tahrir daʼvatini qabul qilishga chiqarildi, shuningdek Alloh Subhanahu va Taolodan ushbu kalomini tilovat qilish bilan gunohlarga magʻfirat soʻraldi:
يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ
“Ey moʻminlar, Alloh va Rosuli sizlarni hayot baxsh etadigan narsaga daʼvat qilar ekan, uni qabul qilinglar” [Anfol 24]
Roya gazetasining 2019 yil 17 iyul chorshanba kungi 243-sonidan
