Hizb ut-Tahrir – Muborak Falastin zamini Gʻarbiy Sohil rayonlaridagi sud binolari oldida oʻnta namoyish uyushtirdi
Payshanba kuni Hizb ut-Tahrir – Muborak Falastin zamini Gʻarbiy Sohilining oʻnta shahrida (Janin, Tulkarm, Nablus, Qilqiliya, Silfit, Ramalloh, Baytlahm, Ariha, Dura va Halhul shaharlarida) namoyishlar va yurishlar oʻtkazdi. Bu tadbirlar Falastin rejimi xavfsizlik xizmati xodimlari tomonidan Hizb ut-Tahrirning hibsdagi aʼzolariga nisbatan ikki haftadan beri davom ettirilayotgan zoʻravonligiga norozilik aktsiyasi sifatida oʻtkazildi.
Namoyish chogʻida Hizb aʼzolari koʻtarib chiqqan plakatlarning baʼzilarida rejimning siyosiy hibsga olishlari va ovozlarni boʻgʻishga urinishlari qoralanadi. Baʼzi plakatlarda adliya tizimining adolatsizligi va uning xavfsizlik xizmati buyurtmalariga boʻysunib, Hizb yigitlarini birorta ham qonuniy huquqlariga rioya qilmagan holda, siyosiy ayblovlar bilan hibsda qoldirayotgani aytiladi. Boshqa plakatlarda Falastin rejimining korruptsiyachi mulozimlarga sukut qilayotgani, hatto xolis-halol musulmonlar qamalayotgan bir paytda, ularga saroylarda izzat-ikrom koʻrsatayotgani qoralandi!
Shiorlar “Yoʻqolsin siyosiy hibsga olishlar”, “Yoʻqolsin ovozni boʻgʻishlar”, “Yoʻqolsin zoʻravon xavfsizlik xizmati”, “Buyurtmachilar hukmimi yoki mahkama hukmimi?!”, “أَفَنَجْعَلُ الْمُسْلِمِينَ كَالْمُجْرِمِينَ musulmonlarni jinoyatchilar bilan barobar qilamizmi”, “Solihlar qamoqda, fosidlar saroyda” kabilardan iborat boʻldi.
Shuni alohida taʼkidlash joizki, namoyishchilar shaharlardagi mahkama binolari oldida piyodalar, sudьyalar va advokatlarning diqqatini jalb qiladigan shaklda aktsiyalar oʻtkazib, yarim soat mobaynida Falastin rejimi siyosati va uning xavfsizlik xizmati zoʻravonligiga norozilik bildirdilar. Soʻng namoyishlar Tulkarmdan boshqa hamma shaharda tinch holda yakun topdi. Tulkarm xavfsizlik xizmati namoyishga qarshi chiqib, barcha ishtirokchilarni hibsga oldi!
Roya gazetasining 2019 yil 26 iyun chorshanba kungi 240-sonidan
