Sistemani oʻzgartirish kerak
Beknazarov: Akayevni quvib yubordik – hech narsa oʻzgarmadi, Bakiyevni quvib yubordik – hech qanday oʻzgarish boʻlgani yoʻq, Atambayevni qamasak ham hech narsa oʻzgarmaydi, Sistemani oʻzgartirish kerak.
Qirgʻiz siyosiy doirasining yetakchi vakillari, yangi shakillanib borayotgan yetakchi guruh ichidan oʻrin egallay olishmayapti. Oʻzlari shakillantirgan sistema endi oʻzlariga qarshi ishlay boshladi. Aslida yangi yetakchi guruh vakillari ham, mavjud siyosiy doiradan taʼsirlangan va uning ichidan yetishib chiqqan siyosatchilardir. Yetakchi guruh ichidagi yoki undan tashqarida qolgan yoki unga muxolif boʻlgan siyosatchilarning barchasi bitta siyosiy doiraning vakillari deb eʼtibor qilinadi. Yaʼni bu doira vakillari, xalqaro siyosat printsiplariga muvofiq, Qirgʻizistonni agrar (xom ashyoga asoslangan) asosda rivojlantirish haqida fikrlaydigan va mamlakat boshiga tushayotgan muammolarni xalqaro siyosat va boshqaruv sistemasidan ekanini ochiq aytishdan qoʻrqadigan hamda shu muammolar uchun biri ikkinchisini ayblab, jazolaydigan siyosiy doira vakillaridir!
Shu kunlarda Omurbek Tekebayev qamoqdan turib “Azattыk radiosi”ga bergan intervyusida, olamiy bank tizimi va pul oʻtkazish mexanizmlarining barchasi AQSh tomonidan toʻliq nazorat ostida ekanini aytdi.
“Shu sistemaning kasofatidan, yaʼni har bir oʻtkazilinayotgan pulga shubha bilan qarash yoki ularga qandaydir hujjatlar talab qilish singari qoʻyilgan shartlar tufayli, naqd valyutani yashirin yoʻllar bilan Qirgʻizistondan olib chiqish mexanizmi paydo boʻldi”, dedi Tekebayev. “Bu toʻgʻri siyosiy tafakkurdan darak berboqda!” desak mubolagʻa boʻlmaydi.
Beknazarovning bayonotiga eʼtibor qaratsak, Akayev va Bakiyevni quvilishida ichki boshqaruv sistemasining notoʻgʻri ekanini aytib, uni isloh qilishga chaqiryapti. Vaholangki Qirgʻiziston tarixida boʻlib oʻtgan ikki davlat toʻntarishi ham va shuning kasofatidan kelib chiqqan Oʻsh voqeasi ham xalqaro siyosatga va xalqaro boshqaruv sistemasiga aloqador ishlar boʻlgan. Hatto Tekebayevning qamalishi va kutilayotgan Atambayevning qamalishi ham xalqaro siyosatga aloqador. Lekin Qirgʻiz siyosiy elitasi har bir muammoni oʻz gardaniga olish bilan xalqaro siyosat yetakchilari tomonidan uyushtirilayotgan fitnalarni yashirib kelishadi! Oqibatida biri-birini quvgʻin qilib, qamab yana oʻsha yirik davlatlar manfaatini roʻyobga chiqarishayotgan boʻladi.
Lekin “Atambayevni qamasak ham hech narsa oʻzgarmaydi” degan jumlaning oʻzi toʻgʻri. Biroq bu oʻzgarmaydigan jaryon Qirgʻiziston boshqaruv sistemasini isloh qilish bilan oʻzgarib qolmaydi! Qirgʻiziston boshqaruv sistemasi Akayev va Bakiyev boshqaruvini agʻdarish amaliyotini Rossiyaning buyrugʻi yoki qoʻllovisiz amalga oshira olgan emas! Hatto Oʻsh voqeasi ham Rossiya boshchiligida amalga oshirilganiga Beknazarovning oʻzi guvoh boʻlgan. Yaʼni Oʻsh voqeasi ustida qoʻlga olingan 4 nafar rus snayperlarini uning oʻzi daraksiz “yoʻq” qilib yuborgan. Oʻsha paytda u davlat bosh prokurori edi.
Demak siyosiy tafakkur – har bir voqea va hodisaga, uni keltirib chiqarayotgan xalqaro siyosatga bogʻlab baho bera olish jurʼati bilan amalga oshar ekan! Siyosiy safsata (populizm) esa, oʻz manfaatini roʻyobga chiqarish maqsadida xalqni aldash, chalgʻitish, opponentlarining obroʻyini toʻkish, oʻz salohiyatidan foydalanib ularga zulm qilish kabi jirkanch yoʻllardan foydalanishdan iboratdir.
Biz ummatni, shuningdek siyosiy doirani toʻgʻri siyosiy tafakkurga chaqiramiz. Chunki olamiy kufr boshqaruv sistemasi, ustimizda olib borayotgan oʻz kirdikorlarini yashirib, bir birimiz bilan oʻralashib yuraveradigan buzuq (kufr) boshqaruv sistemasi va siyosiy doirasini ushlab turadi. Bizni toʻgʻri islomiy siyosiy ong va tafakkurimizdan uzoqlashtirib, unga chaqirayotgan fidoiylarni har xil kufr atamalari bilan atab, jamiyatdan uzoqlashtirishga harakat qiladi. Aslida faqat siyosiy tafakkur vaziyatlarning toʻgʻri yechimiga olib bora oladi. Siyosiy ong ular ustidan toʻgʻri xulosa va amalda munosabat belgilay oladigan quvvat beradi. Aks holda Qirgʻiz siyosatchilari singari toʻda-toʻda boʻlib arzimas dunyo matohlari ustida bir birimizga qarshi kurashib, holdan toyib boraveramiz!
Abdurazzoq Moʻʼmin
