Tokayev Jeenbekovni orden bilan mukofotladi
Qozogʻiston prezidenti Qosim-Jomart Tokayev Qirgʻiziston, Rossiya va Belarus prezidentlarini “Qozogʻiston birinchi prezidenti – Yelbasi Nursulton Nazarbayev” ordeni bilan mukofotlash toʻgʻrisida qarorni imzoladi, deb xabar qildi Akorda matbuot xizmati.
Qozogʻiston davlat mukofotlari Qirgʻiziston yetakchisi Sooronbay Jeenbekov, Rossiya prezidenti Vladimir Putin va Belarus rahbari Aleksandr Lukashenkoga berildi.
Tokayev qarori imzolangan kundan boshlab kuchga kirdi.
29 may kuni Nur-Sultonda Yevroosiyo ittifoqini tashkil etish toʻgʻrisida bitimni imzolanganiga 5 yil toʻlishi munosabati bilan yigʻilish oʻtkaziladi.
Tadbirda Yelbasi Nursulton Nazarbayev, Qozogʻiston prezidenti Qosim-Jomart Tokayev, Belarus prezidenti Aleksandr Lukashenko, Qirgʻiziston prezidenti Sooranbay Jeenbekov, Rossiya prezidenti Vladimir Putin, Armeniya bosh vaziri Nikol Pashinyan ishtirok etadi.
Shuningdek, yigʻilishda YeOIIda kuzatuvchi davlat sifatida – Moldova prezidenti Igorь Dodon, Tojikiston prezidenti Imomali Rahmon va MDH ijroiya qoʻmitasi raisi Sergey Lebedev faxriy mehmon sifatida qatnashadi.
