بِسْمِ اللهِ الرَّحْمٰنِ الرَّحِيم
Noumidlikka tushmang, mana yechim tayyor
Ustoz Xolid Said
Hizb ut-Tahrir – Muborak Falastin zamini matbuot boʻlimi aʼzosi
Gʻazo sektorida birin-ketin kelayotgan krizislarni hal etishga harakat qilayotganlardan koʻpchiligi, biror yutuqqa erisholmay, hayron-lol turib qolishyapti. Birining ustiga boshqasi qalashib kelayotgan bu boʻhronlar hayotning qaysi sohasi boʻlmasin, barchasini oʻz domiga tortmay qolmadi. Taʼlim, sogʻliqni saqlash va xizmat koʻrsatish, minimal darajadan ham past ahvolda. Masalan, suv inson isteʼmoliga yaroqsiz, buni ham mahalliy, ham xalqaro tadqiqotlar aniqlashgan. Elektr toki esa, odamlar uning nimaligini deyarli unutib yuborishdi. Bir jihatdan, yonilgʻi mahsulotlarini taʼminlash muammosi boʻlsa, boshqa jihatdan, elektrni yetkazib berish va uni uzib qoʻyish jadvali xuddi omad pildirogʻiga oʻxshaydi… Yana bir jihatdan esa, Gʻazo hukumati bilan Ramalloh hukumati ayni muammo ustida bir-birini ayblashdan charchashmaydi… Ishsizlik darajasi 50 %ga yetdi, – markaziy statistikaga koʻra – kambagʻallik darajasi ham xuddi shunday. Maoshlar eng past darajada… Qoʻyingki, muammolarni sanab tugatolmaysiz.
Baʼzilar bu muammolarni – hammasini yoki baʼzisini – mavjud deb tan olgisi kelmayapti va voqelikni yaxshi-muammosiz qilib koʻrsatishga urinyapti. Yana baʼzilar jon-jahdi bilan yechim chiqarishga urinyapti-yu, biroq muammoni battar murakkablashtiryapti. Boshqa birlar esa, voqeni oʻziga tijorat yeriga aylantirib, pul topish uchun fursatni boy bermaslikka urinyapti… Shu oʻrinda taʼkidlash joizki, Gʻarbiy Sohildagi ahvol, Gʻazodagi ahvoldan ogʻirlikda kam emas, faqat tafsilotlarida farq qiladi, xolos.
Muammo sabablarini qidiradigan boʻlsak, tabiiyki, Gʻazoga qilingan qamal aybdor boʻlib chiqadi hamda hokimiyatdagi tarafkashliklar, guruhlar oʻrtasidagi mojarolar ham muammolarga aybdor boʻlishi mumkin. Shuningdek, muammoning bir boʻlagi sifatida, maʼmuriy va moliyaviy korruptsiyadan ham koʻz yummaslik kerak. Sabablarni har qancha topishga harakat qilmaylik, bu sabablarning hammasi ikkinchi darajali sababdir yoki asosiy sababdan kelib chiqqan. Asosiy sabab esa, yahudiylar bosqinchiligidir. Chunki Falastin hamon bosib olingan, uning ahli zulmu sitam oqibatida eng ogʻir alamlarni tortmoqdalar. Hayot – bu azob-uqubatlar qachon tugaydi, degan faqat bitta savolga taqalib qolgan. Davlat qurish yoki mustaqil boʻlish qabilidagi har qanday gap adashish va adashtirishdan boshqa narsa emas.
Yahud vujudiga kelsak, baʼzilar ular bilan savdolashishga hamda vakillik rolini oʻynashga urinyapti, masalan, Falastin rejimi kabi. Bu rejim bundan qirq yil avval otasiz tugʻilgan chaqaloqdek dunyoga keldi, Ozodlik harakati bilan yahudiylar oʻrtasida siyosiy inkubator tuxumi boʻlib, yon berish va Falastin masalasini tugatish harakatini takomillashtirdi. Bularga dalil keltirishga hojat yoʻq, birgina rahbariyatining oʻzi, musulmonlarni Falastinni ozod qilish yoʻlidan ozdirish maqsadida “yahudiylar bilan muzokara qilish”ni oʻzining asosiy shioriga aylantirib oldi. Falastin masalasini oʻtkinchi talablar va kunlik turmush tarzi kabi savdolashishlarga cheklab qoʻydi. Yahudiylar xavfsizligini qoʻriqlovchi soqchi rejim boʻlishni oʻziga munosib koʻrdi. Alaloqibat, xalqaro mustamlakachi kuchlar va ularga qarashli tashkilotlaru musulmon yurtlaridagi vakil hukmdorlar dushmanlar emas, vositachilar boʻlib qolishdi, qurbon bilan jallod oʻrtasida hakamlarga aylanishdi. Bunga yaqqol dalil, biz har safar Gʻazoga qirgʻinbarot hujum qilinishi ortidan Misrdagi xoin malay rejimga tayanilayotganiga guvoh boʻlyapmiz. Gʻazo ahlini qamal iskanjasiga olishda asosiy sherik boʻlgan, shu orqali Falastin rejimi bilan yahud vujudi oʻrtasida vositachilik qilgan bu rejim bugun Gʻazo rejimi bilan najas bosqinchilar oʻrtasida vositachilik qilyapti. BMT va boshqa xalqaro tashkilotlarning aralashishga boʻlgan chaqiriqlari, Falastin rahbarining Falastin ahli mudofaasi uchun xalqaro kuchlarni takror-takror daʼvat qilishlari… bularning barchasidan maqsad yahud vujudini mustahkamlash, Falastin ahlini yahudiylar bosqinchiligiga qoʻshimcha, xalqaro aralashuvga boʻysundirish va mustamlakachi davlatlarning muborak Falastin zamini ustidagi hukmronliklarini kuchaytirishga imkon yaratishdir.
Shuningdek, yahud vujudi harbiy guruhlarni faoliyati qisqargan, faqat reaktsiyalar bildirib turishga cheklangan hamda “bosqinchilikni yechimning bir qismi, bosqichma-bosqich hal boʻladigan narsa”, deb biladigan guruhlarga aylantirishga muvaffaq boʻldi. Buning boisi shundaki, ayni guruhlarda siyosiy ong yoʻq, regional koalitsiyalar oʻyiniga ham, mintaqa davlatlari oʻrtasidagi kuch talashuvlarga ham rozi boʻlishgan-qoʻshilishgan. Vaholanki, ularning kuch talashuvi xalqaro kurash bilan chambarchas bogʻliq. Mana shu Gʻarb davlatlari arab davlatlari yordami bilan Falastin Ozodlik harakatiga xiyonat toʻnini kiydirishdi. Oqibatda u yahud vujudini tan oldi va Falastinning toʻrtdan uch qismidan voz kechdi… va hokazo. Shuni taʼkidlamoqchimizki, mustamlakachi davlatlar Ozodlik harakatiga xiyonat toʻnini kiydirishgach, endi malay hukmdorlar yordamida Falastindagi qolgan guruhlarga ham ayni toʻnni kiydirmay qolmaydi. Chunki Falastin ustida shunday ulkan fitna va dahshatli xiyonat uyushtirilmoqdaki, xoinlikda Oslo shartnomasidan ham, hukmdorlarning 1967 yil va 1948 yildagi xoinliklaridan ham qolishmaydi. Hatto jinoyat va xiyonatda ulardan ham yomon. Bu xiyonatlar tepasida Misr, Iordaniya va Saudiya Arabistoni hukmdorlari rahnamolik qiladi, ularga Falastindagi pastkash amalparast mulozimlar sherik boʻlishadi.
Nadomatlar foyda bermaydigan ahvolga tushib qolmaslik uchun biz barcha guruhlarga nasihat qilamiz: Sizga falokat anavi xoin malay rejimlardan keladi. Bas, ehtiyot boʻling, ularning tuzogʻiga ilinib qolmang. Ular bilan aloqangizni uzing va ulardan ham, Gʻarb loyihalaridan ham qoʻlni yuvib, qoʻltiqqa uring. Faqat Islomdan hukm soʻrang va Falastin masalasini Islom Ummatiga qaytaring. Xalifalik davlatini barpo etish va oʻtmishdagi xolis yetakchilar qilgani kabi Falastinni ozod etish uchun Ummat armiyalaridan nusrat talab qiling.
Biz aminmizki, agar musulmonlarda faqat Alloh, Rosuli va moʻminlarni doʻst tutuvchi xolis rahbariyat boʻlganda edi, Amerika Quddusni yahud vujudiga poytaxt deb eʼlon qilishga va oʻzining “xalqaro qonun”larini oyoq osti qilib boʻlsa ham Joʻlonni yahud vujudi nazorati ostiga kiritishga jurʼat qilolmasdi albatta. Shu kunlarda musulmon yurtlar hukmdorlari orasida hammani hurkitib qoʻyadigan biror mard erkak chiqmagani uchun Amerika Falastin masalasini tugatishga qaratilgan bitimini eʼlon etishga hozirlik koʻryapti. Bu hukmdorlarning hammasi malaylik va xoinlikda bir goʻr. Moʻʼtadillari ham, keskinlari ham barobar-farq qilishmaydi. Falastinga yordam koʻrsatayotgani ham, yordam koʻrsatishni istamayotgani ham, yahudiylar bosqinchiligini qoralovchisi ham, inkor qiluvchisi ham, bunga hech narsa demay sukutni lozim topayotgani ham, bu vujud bilan munosabatlarni yashirincha normallashtirayotgani ham, munosabatlarni ochiq-oshkor normallashtirayotgani ham, barchasi bir-biridan farq qilishmaydi… Amerika oʻzining Falastin masalasini yoʻq qilish va yahud vujudini mustahkamlashdek mashʼum rejasini amalga oshirish ustida ishlayapti… bunda musulmon yurtlar hukmdorlari unga yordam berishyapti.
Ey musulmonlar!
Bugun oldimizda ikki variant bor: yo – Alloh saqlasin – Falastindan voz kechamiz, yoki sobit turamiz. Undan voz kechishimiz evaziga bizga bir siqim ushoqlar beriladi, uni turmush tarzimiz uchun yaxshi, deb qabul qilamiz, istak-irodasi tortib olingan xoru zor avholda qolaveramiz. Sobit turish, sabr qilib, sabrga chaqirish, Allohdan qoʻrqish, Uning amriga itoat qilish, Rosuli ning Isro maskanini mahkam ushlash evaziga esa, Alloh Subhanahu va Taolodan cheksiz mukofot olamiz.
Musulmon armiyalar safidagi zobit va askar farzandlarimizga aytar soʻzimiz shuki, kuni kecha ajdodlarimiz armiyalari Badr, Qodisiya, Yarmuk, Hittinda jasorat koʻrsatgan, Konstantinopolni fath qilgan ekanlar, bugun ham oʻsha armiyalar jasorati – Allohning izni ila – albatta davom etajak. Biz armiyalarimiz tayyorgarligi va qudratini yaxshi bilamiz va islomiy aqidadan ajramaydigan harbiy ontlariga ishonamiz, ulardan hargiz umid uzmaymiz, ularning Alloh, Rosuli va bandalariga nusrat-yordam berib, ikki qiblaning birinchisi, ikki harami sharifning uchinchisi boʻlmish muborak zaminni ozod etishlariga aminmiz. U kun qachon keladi, deb soʻralsa agar, shoyadki juda yaqindir, deymiz.
وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ
“Alloh Oʻziga (yaʼni diniga) yordam beradigan zotlarga albatta nusrat-yordam beradi, shubhasiz, Alloh kuchli, qudratlidir” [Haj 40]
Roya gazetasi saytidan olindi
