Putinni Idlibga hujum qilishdan man qilayotgan narsa insoniylik tuygʻusi emas, balki AQSh manfaatidir
Reyter axborot sayti (hijriy 1440 yil 21 shaʼbon, milodiy 2019 yil 7 aprel shanba kuni) nashr qilgan xabarda bunday deyiladi:
“Shanba kuni Rossiya prezidenti Vladimir Putin – Suriya kuchlari rus havo kuchlari yordamida Suriyaning Idlib muhofazasidagi ekstremistlarga qarshi keng qamrovda hujum boshlash ehtimoli borligini taʼkidladi. Biroq bu kabi variantning ayni vaqtda amalga oshirilmaganini maʼlum qildi.
Putin Pekinda bergan bayonotida – Moskva bilan Damashq terrorizmga qarshi kurashni davom ettiradi, bu bombardimonlar Idlibdan chiqishga urinayotgan ekstremistlarni oʻz ichiga olib, vaqti-vaqti bilan amalga oshirilmoqda, dedi.
Lekin u Idlib atrofida oddiy fuqarolar ham mavjudligi sababli keng qamrovli harbiy amaliyot olib borish vaqti hali kelmaganini qoʻshimcha qildi.
“Keng qamrovli hujum boshlashimiz ehtimoldan holi emas. Ammo biz va suriyalik doʻstlarimiz insonparvarlik omili sababli buni haligacha amalga oshirmadik”, dedi u”.
Roya gazetasi sharhi:
Aftidan, Putin Idlibga keng qamrovli hujumni u yerda oddiy fuqarolarning borligi sababli boshlamayotganiga odamlar ishonadi, deb oʻylayotgan koʻrinadi. Goʻyo, shu kunga qadar u Suriyadagi fuqarolarni qatli om qilib, qonini ichmayotgandek, goʻyo non zavodlari, kasalxonalar, masjidlar va uy-joylarni bombalamagandek! Bu qoʻrqoqning agar aytsam, sharmanda boʻlaman, deb yashirib kelayotgan bir haqiqati bor. Gap shundaki, ayni damda uning Idlibga zarba berishiga Amerika rozi boʻlmay turibdi. Putinning zarba bermayotganiga uning Idlib ahlini oʻylayotgani sabab emas. Aslo. Balki Amerika oʻzining Suriyadagi siyosiy yechimiga erishib olguniga qadar Rossiyani Suriyadan chiqmay, uning ishlari bilan oʻralashib turishini istayapti. Yaʼni, Amerika harbiy yechimdan siyosiy yechimni afzal koʻrmoqda.
Roya gazetasining 2019 yil 30 aprel chorshanba kungi 232-sonidan
