Saltanat Ummatning huquqi boʻlib, Ummat uning yoʻlida jonini berishga tayyor boʻlishi lozim
Ustoz Abduddali
Hizb ut-Tahrir Suriya viloyati
matbuot boʻlimi aʼzosi
Usmoniy Xalifalik 1924 yili qulatildi. Musulmonlar Xalifalik qulatilguniga qadar uzoq davr saltanatimiz oʻz qoʻlimizda deb bilishar edi. Rosululloh ﷺ va u kishining Abu Bakr, Umar, Abdurrahmon ibn Avf kabi sahobalari qilgan ishlari ham shunga dalolat qiladi. Abu Bakr odamlarga qarata: “Men Allohga itoat qilganimdek menga itoat qiling” degan boʻlsa, Umar ibn Xattob : “Agar menda egrilikni koʻrsangiz meni toʻgʻrilang” dedi. Abdurrahmon ibn Avf esa, Umardan keyin kimni xalifa qilish borasida odamlar bilan maslahat qildi. Bular saltanat Ummatniki ekanini koʻrsatuvchi ochiq dalillardir.
Musulmonlarning saltanati qulagach, ular ustiga mustamlakachi kofir Gʻarbga malay zoʻravon hokimlar keldi. Ular musulmonlar saltanatini tortib oldi va Islom dushmanlariga xizmat qilish va Islomni boshqaruvga qaytarmaslik uchun musulmonlarga turli azoblarni berishdi. Musulmonlar bir necha yillardan beri shu ahvolda yashamoqdalar. Ular na oʻz huquqlarini biladi va na shariatni tatbiq qilishadi.
Islomiy boshqaruv qulaganidan bugungi kungacha boʻlgan musulmonlarning ahvoli haqidagi xotiralardan insoniyat uyaladi. Bu davr mobaynida Ummatning oʻz saltanatini qayta tiklashiga va huquqlarini tanishiga yoʻl qoʻymaslik uchun koʻp ishlar qilindi. 2011 yilga kelib Ummatda yana harakat boshlandi. Ummat oʻz huquqlari va tortib olingan saltanatini talab qila boshladi.
Harakat Tunisda boshlanib, Misrga koʻchdi, soʻng Liviya, Yaman va muborak Shom zaminiga yetib bordi. Shunda Islom dushmanlari hodisalar xatarini sezib, nima qilish haqida bosh qotira boshlashdi.
Barcha odamlar islomiy yurtlarda nima boʻlganini va qoʻzgʻolonlari oʻgʻirlanganini koʻrdi. Bu ish shiori Islom va botini ilmoniylik boʻlgan hukumatlarga odamlar talablariga javob bergan kishilarni joylash orqali amalga oshirildi. Ummatning saltanati qayta tortib olindi. Lekin bu safar odamlarning talablari bilan oʻynashishdi, yaʼni saltanatni ularning manfaati borasida qichqirayotganlarga berishdi. Ummat esa, sukut saqladi va bu Shomga yetib kelgunicha barcha qoʻzgʻolon yurtlarida bir xilda kechdi. Qoʻzgʻolonning tuzilishi murakkab boʻlganidan tashlanayotgan yechimning chalkash boʻlishi va yechim izlayotgan kishi halokatga uchrashi tabiiy edi. Asadning otasi zoʻravonlik yillarida jamiyat va davlat binosini parchaladi. Muxolif siyosiy doira boʻlishiga yoʻl qoʻymadi va Ummat saltanatini oʻz manfaati uchun qoʻlladi. 2011 yil martdagi qoʻzgʻolon portlaguniga qadar ahvol shu tarzda davom etdi.
Odamlar koʻchalarga chiqib, Asad rejimi qulasin deb qichqirishdi. Shuningdek, Ummatning tortib olingan saltanatini qayta tiklashga chaqirishdi. Lekin yuqorida aytib oʻtganimizdek arab bahori yuz bergan boshqa yurtlarga taqqoslansa, Suriyada siyosiy doira yoʻq edi. Bu esa, yaqin kelajakda aniq yechim boʻlmasligidan darak berar edi. Chunki saltanatni oʻz qoʻliga oladigan, ishni yengillashtiradigan va uni kufr, makr va hiyla koridorlarida rejalashtirilganidek olib boradigan muxolafat yoʻq edi.
Suriyadagi voqe mana shu, lekin shunga qaramay, kofirlarning yagona mashgʻuloti yana odamlardan saltanatni tortib olish boʻlib qoldi. Kofir buning uchun guruhlarni oʻziga jalb qilmoqda. Kofir bu ishni yo oʻsha guruhlarning kofir yurtlardagi doimiy vakillari yoki operatsiya xonalari (koʻrsatma beruvchi shtablar) orqali amalga oshirmoqda. Bunda kofir zaif qalblarni jalb qilish uchun iflos pullarni taklif qilmoqda va bu ishda maʼlum darajada yutuqqa erishdi ham. Natijada, odamlar talab qilgan saltanat guruhlar kengayishi va nufuzining ortishi qarshisida yoʻqolib bormoqda. Hatto ahvol shu darajaga yetdiki, odamlarning saltanati yana tortib olindi. Lekin bu safar saltanatni ishning boshida xalqni himoya qilib chiqqan va uni qoʻllab-quvvatlagan kishilar tortib oldi.
Saltanatni tortib olgan guruhlar shafqatsiz qilmishlar bilan shugʻullana boshlashdi va odamlar talab qilib chiqqandan boshqacha hayot nizomini tiklashdi.
Ushbu saltanatning tortib olinganiga yaqqol dalillardan biri bu guruhlar musulmon farzandlarini arzimas gʻoya va maqsadlar yoʻlida oʻlishlariga sabab boʻlmoqda. Shuningdek, ularni foydasiz janglarga jalb qilmoqda va Islom dushmanlaridan boshqasiga foyda bermaydigan gʻoyalarga qiziqtirmoqda. Yuz berayotgan ushbu ishlar qarshisida odamlar ham sukut saqlashmoqda.
Shomdagi musulmonlarning saltanati oldin Asad rejimi tomonidan tortib olingan boʻlsa, bugun guruhlar foydasiga tortib olindi. Lekin ular oʻzlariga yuklatilgan vazifa va rolni bajarib boʻlgach, boshqacha aytganda Ummat irodasini sindirishdek vazifasini bajarib boʻlgach, saltanat kufr foydasiga tortib olinadi.
Lekin bugun holat 2011 yil martdan oldingi holatdan oʻzgachadir. Shuning uchun bu holatdan chiqish yoʻli odamlar jim turishni toʻxtatib, ovozlarini koʻtarishi va saltanatini qayta tiklashni talab qilib koʻchalarga chiqishi lozim.
Bugungi vojib vazifa mana shu. Musulmonlar tortib olingan haqlari va bosib olingan saltanatini shu yoʻl bilan qayta tiklaydi. Bu yoʻlda ular malomatchining malomatidan qoʻrqmasligi lozim. Shuningdek haqni aytishda odamlardan qoʻrqmasligi kerak. Ular yana haq soʻz ajalni tezlashtirmasligi va ahvolni ogʻirlashtirmasligiga ishonishlari lozim. Bugungi yangi saltanatga sukut saqlash joiz emas, balki uni qoʻzgʻolon orqali zulmatlar qariga choʻktirish lozim. Ha qoʻzgʻolon unga barham berishning asosiy yoʻlidir.
Bu saltanatni tortib olishga harakat qilayotganlarni toʻxtatish uchun musulmonlar oʻzlarini va saltanatlarini oʻgʻirlanishdan himoya qiladigan shaxslarni tanlashlari lozim. Shunda oʻsha shaxslar maqsad va ishlarni belgilab beradi. Musulmonlar esa, ushbu yoʻlga toʻgʻri keladiganlarni qabul qiladi va qoʻzgʻolonni oʻgʻirlab, unga hukmron boʻlib olishga harakat qilayotgan har bir fitnachini uloqtiradi. Bugun musulmonlar oʻz huquqlari borasida jim turganlari va qurbonliklarini tortib olayotgan kimsalarga sukut saqlaganlari oqibatida shu ahvolga tushib qoldilar. Shuning uchun ular haqiqatdan yuz oʻgirgan kishilar toifasidan boʻlib qolishdan saqlanishlari lozim. Chunki Rosululloh ﷺ ular haqida shunday deydi:
“وَالَّذِي نَفْسِي بِيَدِهِ، لَتَأْمُرُنَّ بِالْمَعْرُوفِ وَلَتَنْهَوُنَّ عَنِ الْمُنْكَرِ، أَوْ لَيُوشِكَنَّ اللَّهُ أَنْ يَبْعَثَ عَلَيْكُمْ عِقَابًا مِنْ عِنْدِهِ، ثُمَّ لَتَدْعُنَّهُ فَلاَ يَسْتَجِيبُ لَكُمْ”
“Jonim qoʻlida boʻlgan Zotga qasamki, sizlar albatta maʼrufga buyurib, munkardan qaytarasizlar, aks holda Alloh sizlarning ustingizga Oʻz dargohidan bir jazo yuborur, keyin duo qilaverasizlar (lekin) duolaringizni ijobat qilmay qoʻyadi”.
Bugungi vaziyat oʻta qiyin va yoʻlning nihoyasida turibdi. Ey Shom ahli, ey Shomning ozod ahli! Mintaqalar qanday qilib rejim qoʻliga topshirilganini oʻz koʻzingiz bilan koʻrdingiz. Mintaqa aholisi saltanatni tortib oluvchiga nisbatan qanday sukut saqlaganini koʻrdingiz. Bugun esa, oʻz mulkingizni va saltanatingizni qayta olish uchun harakat qilmayapsiz. Agar shu holda davom etsangiz kelajak bundan yaxshi boʻlmaydi. Shuning uchun ovozingizni koʻtaring, birlashing va avvalgi oʻrningizni egallang. Chunki ish jiddiy, sukut saqlash bilan bitmaydi. Sukut saqlab turaversangiz, oldinda bundan ham dahshatliroq narsalar kutib turibdi.
Roya gazetasi saytidan olindi
