Jazoir Buteflikaning beshinchi muddatga nomzod boʻlishiga qarshi qoʻzgʻalmoqda
Bi-Bi-Si arabiy sayti hijriy 1440 yil 26 jumodus-soniy, milodiy 2019 yil 3 mart yakshanba kuni nashr qilgan xabarda bunday deyiladi:
“Jazoir prezidenti Abdulaziz Buteflikaning beshinchi muddatga oʻz nomzodini qoʻyishiga qarshi bir necha universitetlardan qoʻzgʻalgan norozilik namoyishlari soni yanada ortdi. Kuchaytirilgan xavfsizlik choralari qarshisida poytaxt Jazoir universitetining yuzlab talabalari toʻplandi.
Yurt Buteflikaning beshinchi muddatga nomzod boʻlishini qoralovchi namoyishlarga guvoh boʻlmoqda. Ammo Buteflika prezidentlik saylovida oʻzining nomzodlik hujjatini hali rasman taqdim etgani yoʻq”.
Roya gazetasi sharhi:
Jazoir ahli Suriya, Misr va “Yoʻqolsin bu rejimlar”, deyayotgan boshqa musulmon yurtlarini koʻrdilar. Shu bilan birga, ular boshlaridan hukm yuritayotgan bu rejimning naqadar yirtqich ekanini ham juda yaxshi biladilar. Chunki uni “qonli oʻn yillik”da (1991 yildan 2001 yilga qadar davom etgan fuqarolar urushida) ular oʻz tajribalaridan oʻtkazganlar. Biroq bu qonli oʻn yillik ham, rejimning shafqatsizligi ham ularni qatʼiy qaror qabul qilishdan toʻsa olmadi hamda qoʻrquv devorini agʻdarib, koʻchalarga chiqib, rejimga qarata “etar endi senga”, deya hayqirishlariga xalaqit bera olmadi.
Lekin odamlarning ushbu qoʻzgʻalishi haqiqiy qoʻzgʻolonga aylanmogʻi va buning uchun ular muayyan fikriy siyosiy yetakchilikka ergashishlari kerak. Zero, musulmonlar uchun aqida va tuzumni mujassam etgan Islomdan boshqa yetakchilik yoʻq. Ha, ushbu ulugʻ Ummat qoni oʻtgan oʻnlab yillar mobaynida daryo boʻlib oqdi! Bas, nahotki bu qurbonliklar va harakatlar Paygʻambarlik minhoji asosidagi roshid Xalifalikni barpo etish orqali islomiy hayotni qayta boshlash tomon yoʻnalishi vaqti kelmagan boʻlsa?! Chunki badboʻy demokratiya va milliylik tomon yoʻnaluvchi harakat bilan insonlar ustidan Nabiy ﷺning sunnatlari asosida hukm yurituvchi Xalifalik tomon yoʻnaluvchi harakat oʻrtasida cheksiz farq bor. Demokratiyaga asoslangan hayot bilan Islom mafkurasiga asoslangan hayot oʻrtasida cheksiz farq mavjud.
Roya gazetasining 2019 yil 6 mart chorshanba kungi 224-sonidan
