Bugungi kapitalizm zamonida 26 nafar milliarder butun bashariyat mablag‘ining teng yarmiga egalik qilmoqda
Al-Jazira net sayti hijriy 1440 yil 15 jumodul-avval, milodiy 2019 yil 21 yanvar dushanba kuni nashr qilgan xabarda bunday deyiladi:
«Boyliklarning g‘aram bo‘lib, bir joyda to‘planib turishi 2018 yilda yanada ortdi. Chunki – «Oksfam» nodavlat tashkilotiga ko‘ra – 26 nafar milliarder butun bashariyat mablag‘ining teng yarmiga egalik qilmoqda. Ma’lumki, Oksfam tashkiloti boylarga ko‘proq soliq solishga chaqirib keladi.
«Oksfam»ning ijroiy direktori Vinni Bianiyma tashkilot tomonidan chiqarilgan bayonotda «Boylar bilan kambag‘allar o‘rtasida tobora kengayib borayotgan jarlik qashshoqlikka qarshi kurashga o‘z ta’sirini o‘tkazib, iqtisodiyotga zarar keltirmoqda hamda butun dunyo g‘azabini qo‘zg‘amoqda», deya ta’kidladi.
Roya gazetasi sharhi:
Dunyoga hukmronlik qilayotgan kapitalistik sistema – uni isloh qilish uchun olib borilgan shuncha omadsiz urinishlardan keyin – yanada vahshiylashib ketdi. Natijada, dunyo boyligiga hukmronlik qilayotgan bir siqim ozchilik bilan qashshoqlikka botib borayotgan ko‘pchilik o‘rtasida ulkan jarlik paydo bo‘ldi. Bugungi kunda dunyo ikki tanlov o‘rtasida qoldi, boshqa tanlov yo‘q. Yo tartibsizlikni hamda ho‘lu quruqni baravar yoqadigan fuqarolar urushini tanlaydi yoki og‘ir to‘lg‘oqni boshdan kechirib, bashariyatni baxtsizlikdan qutqaradigan yangi sistema tug‘ilishini tanlaydi.
Biz ishonch bilan ayta olamizki, ushbu xaloskorlikka qodir va loyiq bo‘lgan yagona tuzum Allohning izni ila yaqinda barpo bo‘lajak Payg‘ambarlik minhoji asosidagi roshid Xalifalik davlati tatbiq etadigan Islomiy iqtisodiy tuzumdir. Kapitalizm zulmga to‘ldirgan yer yuzini Xalifalik adolatga to‘ldiradi.
وَيَقُولُونَ مَتَىٰ هُوَ قُلْ عَسَىٰ أَن يَكُونَ قَرِيباً
«U (kun) qachon bo‘lur, deya (so‘raydilar), shoyadki yaqin bo‘lsa, deb ayting» [Isro 51]
Roya gazetasining 2019 yil 6 fevral chorshanba kungi 220-sonidan
