Putinning reytingi rekord darajada tushib ketdi
Rossiya prezidenti Vladimir Putinga ishonch reytingi 2006 yildan beri rekord darajadagi minimumga tushib ketdi. Bu haqida “Korrespondent.net” xabar qilmoqda.
Hozirgi kunda Putinga rossiyaliklarning 33,4 foizigina ishonadi.
Soʻrovnoma natijalari Rossiya sotsiologik markazi tomonidan eʼlon qilindi.
Jamiyatshunoslarning fikricha, hozirda prezident ishini 62,1 foiz rossiyaliklar qoʻlllab-quvvatlaydi. Bosh vazir va hukumat ishini esa 35 foiz va 39,5 foiz kishilar mos ravishda qoʻllab-quvvatlaydi.
Shu bilan birga jamoatchilik fikri fondi tomonidan oʻtkazilgan boshqa soʻrovga koʻra, rossiyaliklarning yarmidan koʻpi (54 foiz) soʻnggi oyda mamlakat hukumati ularning noroziligiga sabab boʻlganini maʼlum qilgan.
Soʻralganlarning 70 foizi esa soʻnggi oyda atrofdagilardan hukumat haqida tanqidiy fikr eshitganini maʼlum qilgan.
