Rossiya Suriyada boʻlgani kabi Afgʻonistonga ham jalb qilinyaptimi?
Afgʻoniston bosh vazirining oʻrinbosari Muhammad Muhaqqiq Rossiyaning Suriyadagi vaziyatni barqarorlashtirishda oʻziga yarasha rol oʻynaganligini daʼvo qildi. Uning taʼkidlashicha, Rossiya Afgʻonistondagi vaziyatni barqarorlashtirishda ham xuddi shunday muhim rolь oʻynashi mumkin.
“Rossiya kuchli mamlakat, xalqaro darajada tajribaga ega. Suriya jangi davomida barqarorlikni saqlashda uning qanday asosiy rolь oʻynaganligini koʻrdik. Shunday ekan, Afgʻonistonda ham shunday rolь oʻynashi mumkin. Biroq ular baʼzi holatlarga qattiq eʼtibor berishlari kerak, toki, Rossiyaning imkoniyatlari Afgʻonistondagi barqarorlikka qarshi ishlatilmasin”, dedi Muhaqqiq “Sputnik” agentligi bilan oʻtgan suhbatda.
“Afgʻon hukumati Rossiyani oʻziga doʻst davlat deb eʼtibor qiladi. U 18 yil davomida Afgʻonistondagi vaziyat haqida ijobiy munosabatda boʻldi. Shuningdek Rossiya mintaqaviy va xalqaro darajada kuchli davlatlardan biri hisoblanadi. Agar biz taklif qilinsak, albatta u yerga boramiz”, deya qoʻshimcha qildi u.
Muhaqqiq Qoʻshma Shtatlar va Afgʻoniston hukumati bilan Rossiya oʻrtasida muvofiqlikning yoʻqligi tinchlik jarayoniga va butun mintaqaga zarar berishidan ogohlantirdi. Uning taʼkidlashicha butun dunyo tinchlik dasturiga rozi boʻlishi kerak.
“Men Janob Xalilzod (AQShning Afgʻonistondagi maxsus vakili)ga, siz tinchlik loyihasi ustida bahs yuritgan paytingizda, bu ish bir tomonlama boʻlmasligi kerak, barcha Afgʻonistondagi ichki partiyalar va mintaqa davlatlari ishtirok etishi kerak, deb aytdim”, dedi Muhaqqiq suhbat davomida.
