Qirgʻiziston BMTning Qrim boʻyicha rezolyutsiyasiga qarshi ovoz berdi
Qirgʻiziston va yana 25 mamlakat BMT Bosh assambleyasining uchinchi qoʻmitasi yigʻilishida qabul qilingan “Qrim muxtor respublikasi va Sevastopolь shahrida (Ukraina) inson huquqlari bilan bogʻliq vaziyat” yangilangan rezolyutsiya loyihasiga qarshi ovoz berdi. Bu haqda Ukrainaning BMT huzuridagi missiyasi Twitter’dagi sahifasida xabar qilgan.
Jami 67 mamlakat rezolyutsiya loyihasini maʼqulladi, 82tasi betaraf qoldi va 26tasi qarshi ovoz berdi.
Jumladan, Qirgʻiziston, Armaniston, Belarus, Boliviya, Burundi, Kamboja, Xitoy, Kuba, KXDR, Eritreya, Hindiston, Eron, Qozogʻiston, Mьyanma, Nikaragua, Rossiya, Serbiya, JAR, Janubiy Sudan, Sudan, Suriya, Tojikiston, Uganda, Oʻzbekiston, Venesuela, Zimbabve qarshi ovoz berdi.
Qoʻmitada ovoz berilganidan soʻng, loyiha BMT Bosh assambleyasi tomonidan koʻrib chiqiladi. Ovoz berish joriy yilning dekabr oyida kutilmoqda.
Kuni kecha maʼqullangan rezolyutsiya loyihasida, xususan, Kremlning ukrainalik siyosiy asirlari nomi koʻrsatilgan.
Ukraina tomoni ishlab chiqqan rezolyutsiya matnida aytilishicha, Qrimda diniy ozchiliklarga nisbatan “bosim kuchayib borayotgani” kuzatilmoqda. Uning mualliflari fikricha, ozchiliklarga “politsiya reydlari”, shuningdek, “tahdidlar va taʼqiblar” orqali bosim oʻtkazilmoqda.
