Putin: Yevropa oʻz qurolli kuchlariga ega boʻlishni xohlashi tabiiy hol
Rossiya prezidenti Vladimir Putin Yevropaning oʻz armiyasiga ega boʻlish haqidagi gʻoyani qoʻllab-quvvatladi. Bu haqida “Sputnik” xabar qilmoqda.
“Umumevropa harbiy qoʻshnlari masalasiga kelsak, bu yangi gʻoya emas. Janob Makron aytgan ushbu gʻoyani menga bir necha yil oldin Jak Shirak ham aytgan edi. Yevropa – kuchli iqtisodiy ittifoq. Ular mustaqil, oʻzini-oʻzi himoya qila oladigan, suveren boʻlishni istaydi. Bu tushunarli va tabiiiy hol”, – dedi Rossiya prezidenti RT France telekanaliga.
“Umuman olganda bu ijobiy jarayon va dunyoda yagona emas bir necha kuch markazlarini mustahkamlashga xizmat qiladi”, – deb qoʻshimcha qildi Putin.
Avvalroq, Frantsiya prezidenti Emmanuel Makron 6 noyabr kuni Yevropa Ittifoqi oʻz armiyasiga ega boʻlishi kerak degan fikr bildirgan edi.
“Oʻz qurolli kuchlarimizga ega boʻlmasak, biz Yevropani va yevropaliklarni himoya qila olmaymiz. Bizning AQShdan xoli boʻlgan oʻz mustaqil armiyamiz boʻlishi kerak. Biz Xitoydan, Rossiyadan va hatto AQShdan oʻzimizni himoya qilishimiz kerak”, – degan edi Makron “Europe 1” radiostantsiyasi efirida.
Makron aytishiga qaragandan oxirgi vaqtlarda turli kuchlar Yevropa ichki demokratik jarayonlariga va kiberhududiga aralashishga harakat qilmoqda.
