AQSh BMTning Inson huquqlari boʻyicha kengashini tark etdi
AQSh prezidenti Donald Tramp Birlashgan Millatlar Tashkilotining 73 majlisida qilgan nutqida Qoʻshma Shtatlar BMTning Inson huquqlari boʻyicha kengashini tark etganligini eʼlon qildi. Trampning taʼkidlashicha, bundan soʻng dunyodagi barcha mamlakatlar oʻz oʻlkalarini oʻzlari himoya qilishi lozim.
“Oʻtgan 20 yil ichida biz 13 trillion savdo kamomadiga duch keldik. Endi yana jabr koʻrib qolaverishimizga yoʻl qoʻymaymiz. Bundan buyogʻiga boyliklarimizni talon-taroj qilinishiga aslo yoʻl qoʻymaymiz. AQSh Xitoy mahsulotlariga 200 milliard dollar qoʻshimcha soliq joriy qildi. Qadrli hamkasbim prezident Si Tszinьpinga boʻlgan hurmatim cheksiz, ammo savdo masalasi boshqa. Mening qoidamga koʻra, Qoʻshma Shtatlar doimo oʻz manfaatlarini ilgari suradi. Oʻtgan yili ushbu minbarda turib qilgan nutqimda BMT inson huquqlari boʻyicha agentligi bu tashkilotni xijolatga solganini aytgan edim. Bizning BMTdagi vakilimiz Nikki Xeylining keng qamrovli isloxot ogohlantirishi bor edi. Bu borada hech qanday choralar koʻrilmadi. Shuning uchun AQSh BMTning inson huquqlari boʻyicha kengashini tark etmoqda. Shuningdek, AQSh Xalqaro Jinoiy Sudni qoʻllab-quvvatlashdan ham voz kechmoqda. Hozirda Xalqaro Jinoiy Sud oʻz qonuniyligini yoʻqotdi. Amerika Qoʻshma Shtatlari amerikaliklar tomonidan boshqariladi. Biz globallashuv doktrinasini rad etamiz. Dunyodagi barcha mamlakatlar oʻz oʻlkalarini oʻzlari himoya qilishi kerak”, dedi Tramp BMTning 73 assambleyasida soʻzlagan nutqida.
