Hindiston Rossiyadan S-400 raketa tizimini sotib olmoqchi
Hindiston Rossiyadan umumiy qiymati 5,43 milliard dollarlik S-400 zenit raketa tizimini sotib olish boʻyicha shartnomani imzolashga tayyor ekanligini maʼlum qildi. Bu haqida “Sputnik” xabar qilmoqda.
Sotib olish ruxsatnomasini bosh vazir Narendra Modi raisligida boʻlgan xavfsizlik masalasi boʻyicha qoʻmitasi berdi.
Bu Hindistonga Rossiya prezidenti Vladimir Putin oktyabr oyi boshida rejalashtirilgan tashrifi oldidan amalga oshirildi.
Hindiston rasmiy hukumati S-400 tizimini harid qilish boʻyicha qarori haqida hozircha xabar bermadi.
Maʼlumot oʻrnida, S-400 “Triumf” – uzoq masofaga moʻljallangan yangi zenit raketa tizimi. U aviatsiya, qanotli va ballistik raketalarni, shuningdek yer usti obʼektlarni yoʻq qilishga moʻljallangan. Raketa 400 km masofagacha uchadi va 30 km balandlikda boʻlgan nishonlarni ishgʻol qilish qudratiga ega.
2016 yil oktyabrda Vladimir Putin va Narendra Modi S-400 tizimlarini yetkazib berish boʻyicha kelishuvga erishilgandi. Ochiq manbalarga koʻra, shartnomaning qiymati boshida 6,5 milliard dollarni tashkil qilgandi.
Hindiston shartnomani imzolashi, bu “Triumf” raketa tizimini xarid qilgan uchinchi xorijiy mamlakat boʻladi. Undan avval bu tizimni Xitoy va Turkiya sotib olgan.
AQSh Deli rejalaridan tashvishlanmoqda va CAATSA qonuni boʻyicha sanktsiya qoʻllashni istisno qilmayapti.
