AQSh va Yevropa “savdo urushi” yakuniga yetdi
25 iyul kuni Vashingtonda Yevrokomissiya prezidenti Jan Klod Yunker bilan boʻlib oʻtgan uchrashuvdan soʻng, AQSh prezidenti Donalьd Tramp “savdo urushi”dagi bojxona tariflarini qayta koʻrib chiqilishini bildirdi.
CNN xabariga koʻra, Tramp qishloq xoʻjaligi mahsulotlari, jumladan lavlagi va soyaga qoʻyilgan cheklovlarni olib tashlashga vaʼda bergan.
“Bu kun erkin va halol savdo uchun katta ahamiyatli boʻldi”,- dedi Tramp.
Rose Garden’da tashkillashtirilgan qoʻshma bayonot chogʻida amerikalik siyosatchi “aloqalarning yangi ufqi” boshlangani haqida gapirib, barcha lol qoldirdi.
Bungacha Donalьd Tramp Yevropa mashinasozligiga tahdid soluvchi fikrlarni bildirgandi, yaʼni har bitta Yevropada ishlab chiqarilgan avtomobilni AQShga olib kirishda 20 foiz miqdorida boj toʻlovi joriy etishni taklif qilgan. Shunga qaramay, AQSh allaqachon Yevropaning alyuminiy va poʻlat xom-ashyosiga boj toʻlovini joriy etgan.
