Binali Yildirim: Xitoyning hududiy yaxlitligi biz uchun juda muhim
Turkiya bosh vaziri Binali Yildirim “Babala TV”da taqdim qilingan teledasturda Sharqiy Turkiston va u yerdagi mazlum musulmonlarning ogʻir ahvoli haqidagi savolarga javob berdi. Yildirim Sharqiy Turkiston masalasi juda nozik masala ekanligiga diqqat qaratar ekan, bu borada turk hukumatining koʻzqarashi aniq ekanligini taʼkidladi.
“Xitoyning suvereniteti va hududiy yaxlitligi biz uchun juda muhimdir. Sharqiy Turkistonda aka-uka va opa-singillarimiz bor. Lekin ular terrorga aralashsalar hamda Xitoyning hududiy yaxlitlik va suverenitet huquqlariga ochiq qarshi chiqsalar, biz ularning bu harakatlariga ijobiy baho bera olmaymiz”, dedi Turkiya bosh vaziri.
Binali Yildirim Pekin maʼmuriyati Uygʻur musulmonlarga nisbatan vahshiyona muomala qilishiga qaramay, Xitoyning tarafini olib, Sharqiy Turkistondagi musulmonlarni “terrorchi”ga nisbat berishi barcha joylarda, ayniqsa Turkiya musulmonlari nazarida qattiq norozilik uygʻotdi. Vaholangki Xitoyning Sharqiy Turkistonda amalga oshirgan va hozirda ham davom ettirayotgan jinoyatlarining oxiri koʻrinmayapti. Hatto soʻnggi haftalarda ham, Sharqiy Turkistonda minglab musulmonlar hibsga olindi va olimlar qamoqxonalarda qiynoqlar ostida qatl etildi.
Hizb ut-Tahrir Turkiya matbuot boʻlimining rahbari Mahmud Qor oʻzinining ijtimoiy tarmoqdagi sahifasi orqali Turkiya bosh vazirining mazkur bayonotni tanqid ostiga oldi.
“Sharqiy Turkiston masalasi ustida gap ketganda “Xitoyning hududiy yaxlitligi va suvereniteti biz uchun muhim”, deya zulm va qirgʻinga qarshi oʻz qadriyatlarini himoya qilishga uringan musulmonlarni “terrorchi”ga chiqarish bir hukumat va shu hukumatning bosh vaziri uchun sharmandalikdir!”, deya izoh qoldirdi Mahmud Qor.
