Rossiya Qirgʻiziston va Tojikistondagi bazalari jangovar tayyorligini kuchaytiradi
Rossiya Mudofaa vazirligi KXShTning Markaziy Osiyodagi ittifoqchi mamlakatlariga Afgʻoniston shimolidan jangarilar kirib kelishining oldini olish boʻyicha choralar koʻradi. Bu haqda Rossiya mudofaa vaziri Sergey Shoyguga asoslanib RIA “Novosti” xabar bermoqda.
“Ushbu maqsadda Tojikiston va Qirgʻizistondagi Rossiya harbiy bazalarining jangovar tayyorgarligini oshiramiz, ularni zamonaviy qurol-yarogʻ va harbiy texnika bilan taʼminlaymiz. Hamkorlarimizga mintaqadagi qurolli kuchlarning jangovar imkoniyatlarini mustahkamlashda yordam koʻrsatamiz, ularni qoʻllashni hamkorlikda rejalashtiramiz”,- dedi u Pekindagi ShXT aʼzo-davlatlari mudofaa vazirlari yigʻilishida.
Shoygu shu yilning mart oyida Tojikiston va Qirgʻizistonda antiterror qoʻmondonlik-shtab mashgʻulotlari oʻtkazilganini eslatdi.
“Sentyabr oyida turli kuch ishlatish tuzilmalarini jalb etgan holda “Issiq-Koʻl — Antiterror-2018” hamkorlikdagi mashgʻulotlarini oʻtkazish rejalashtirilgan. Oktyabrda KXShT kollektiv kuchlari bilan birgalikda qator mashgʻulotlar oʻtkaziladi. Mashgʻulotlar Qozogʻiston, Qirgʻiziston, Rossiya va Tojikistonda boʻlib oʻtadi”,- dedi u.
Turkiston:
Olamda AQSh boshchiligida Islomiy mabdaiy harakatga qarshi olib borilayotgan olamiy strotegiyadan Rossiya oʻzining manfaatlarini roʻyobga chiqarib olish maqsadida foydalanib qolmoqchi. Bunda u oʻzining harbiy harakatlari va mamlakatlarni yolgʻon vahimalar bilan qoʻrquvda ushlab turishi fitnalarini ishga solyapti.
Shoygu oʻtgan bayonotida “Xususan, Suriyada jangarilar tomonidan qoʻllanilayotgan uchuvchisiz uchar qurilmalar 100 kilometrdan ortiq masofada harakatlanishi mumkin. Ularni rivojlangan davlatlar texnik koʻmagisiz yaratish mumkin emas”, deya toʻgʻri aytgan edi. Dunyoda harbiy faoliyat olib borayotgan har qanday jangchilar oʻz imkoniyatidan kelib chiqib, nafaqat uchuvchisiz samolyotlar, balki oddiy oʻq otar avtomatik qurollarga ham ega boʻlishi mumkin emas. Jamoalar, guruhlar u yoqda tursin, Oʻrta Osiyo mamlakatlari singari mustamlaka boʻlgan butun boshli davlatlarda ham qurol ishlab chiqish imkoniyati yoʻq. Ularni yirik davlatlar qurol-yaroq bilan taʼmilab turadi. Aytaylik ular Rossiya yoki Xitoy singari yirik davlatlarning manfaatiga qarshi Amerika tomonidan qurol-aslaha bilan qoʻllab quvvatlanadi, yoki aksincha.
Yuqoridagi mulozimlarning bayonotlaridan shuni anglash mumkinki, nomi zikr qilingan mintaqalarda fitnakashlik harakatlari boshlanishi mumkin. Lekin bu harakatlar bizlarning yurtlarimizda Rossiya, Xitoy va AQSh manfaatlari ustida, bir birlariga qarshi olib boriladi. Agar, ularga yurtimizni harbiy poligon qilib olishlariga rozilik bermasak, ustimizga uchuvchisiz samolyotlar yuborib, IShID nomidan qoʻporuv amaliyodlari uyushtirishlari ham mumkin. Mavjud xalqaro siyosiy boshqaruv shunaqangi adolatsizlik va vahshiylik ustiga qurilgan! Suriyada buning guvohi boʻldik!
