Tramp: Bular sizlar uchun arzimas sariq chaqalardir
AQSh prezidenti Donald Tramp Saudiya Arabistoni valiahdi Muhammad bin Salmon bilan uchrashuvi chogʻida Vashington va Riyod oʻrtasidagi munosabatlar har doimgidan ham yaxshiroq davom etayotganligini bildirdi. Uning taʼkidlashicha, terrorizmga (Islomga) qarshi kurashda Saudiya Arabistoni muhim rol oʻynamoqda. Shuningdek, Trampga koʻra, Saudiyada ulkan boylik zaxirasi mavjud, Qoʻshma shtatlari esa undan unumli foydalanishi mumkin.
“… bizning hozirgi munosabatlarimiz har doimgidan ham yaxshiroqdir, menimcha, bu yanada yaxshi boʻladi. Biz Amerika Qoʻshma Shtatlarida investitsiya yotqizish rejalarini belgilash orqali ikki tomonlama munosabatlarni yaxshilashga intilamiz. Mamlakatimizda yotqizilayotgan ulkan sarmoyalar ishchilarimiz uchun ish va xalqimiz uchun juda koʻp ish oʻrinlari yaratish maʼnosini anglatadi”, dedi Tramp.
“Biz mudofaa holatini ham muhokama qildik. Butun Yaqin Sharq uchun mudofaa tizimini yaratmoqdamiz. Mintaqada nima sodir boʻlayotganini biz juda yaxshi bilamiz. U yerda koʻplab oʻzgarishlar mavjud”, deya qoʻshimcha qildi u.
AQSh prezidenti soʻzi davomida Saudiya boyligiga koʻz tikkanligini va uni qoʻlga kiritish umidi borligini yashirmadi.
“Saudiya Arabistoni juda boy mamlakatdir. Umid qilamanki, Qoʻshma Shtatlar ushbu boyliklarning ayrimlarini koʻlga kiritadi. Bu AQShda ish oʻrinlari yaratish va harbiy texnikalarni sotib olish shaklida amalga oshadi”, dedi u.
Tramp kemalardan tortib raketa mudofaasigacha, harbiy transport vositalaridan tortib jangovar samolyotlargacha Saudiya xarid qlayotgan AQSh harbiy texnikasining jadvallari va narxlarini eʼlon qildi. Milliard-milliard dollarlar Tramp ogʻzining bir burchagidan chiqar ekan, Shaxzodaga “bular sizlar uchun arzimas sariq chaqalardir, koʻpaytirish kerak”, deya kinoya qildi.
Saudiya Arabistoni valiahdi Muhammad bin Salmon esa AQSh va Saudiya Arabistoni oʻrtasidagi munosabatlar eski va tarixiy ekanini taʼkidladi. Valiahdga koʻra oʻtgan yili Qoʻshma Shtatlar va Saudiya Arabistoni oʻrtasida rejalashtirilgan hamkorlik kutilgan rejadan ortib, Saudiyaning AQShda yotqizgan investitsiyalari hajmi ikki barobarga yetgan.
“Biz Yaqin Sharqdagi Amerikaning eng qadimgi ittifoqdoshimiz. 80 yildan koʻproq vaqtdan buyon oʻrtamizda mushtarak ulkan manfaatlar mavjud. Siyosiy, iqtisodiy va xavfsizlik jihatdan AQSh bilan birgamiz. Munosabatlarimizning asosi haqiqatan ham ulkan va chuqurdir”, “Oʻzingizga maʼlum, janob Prezident, siz prezident boʻlgan kundan eʼtiboran, kelgusi toʻrt yil ichida 200 milliard dollarlik sarmoya yotqizishni rejalashtirgan edik, lekin hozirning oʻzida bu sarmoyalar 400 milliard dollar bilan davom etmoqda.”, dedi Muhammad Bin Salmon.
