Jalalobodda Hizb ut-Tahrirga nisbatan boʻhton uyushtirildi
12 dekabr kuni “k.news” axborot agentligi hamda bir qator rasmiy saytlar va telekanallar Qirgʻizistonning Jalalobot viloyatida bir qancha Hizb ut-Tahrir aʼzolari qoʻlga olingani haqida xabarlar tarqatdi. Ularning xabarlarida aytilishicha, qoʻlga olinganlarning uylari tintuv qilinganida, harbiy qoʻporuv amaliyotiga aloqador bir qator buyumlar va portlovchi moslamalar topilgan.
https://l.facebook.com/l.php?u=http%3A%2F%2Fwww.ktrk.kg%2Fpost%2F17992%2Fkg&h=ATPVNYgmZv0_6t9s_bi5rEiNHYHrpVsXNp8tYdmxAGRIZwH4L2dmk6RtdV_ihUDs7jHiWAZmF1ZtvdP3GhXBmnnPHXzLkrIpdKzBXjsvILIucejxQ08PeWFSdmOorLrZ0vKFoPZCspCzyBSAltPD3WiSm1Wj
Hizb ut-Tahrir – Islomiy, siyosiy hizb (partiya) boʻlib, Islomni mabda (tuzum, sistema) sifatida hayotga qaytarishni oʻz oldiga maqsad qilib qoʻydi. U Ollohning
وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَأُوْلَئِكَ هُمْ الْمُفْلِحُونَ
– “Oralaringizdan yaxshilikka (Islomga) daʼvat qiladigan, ibodat-itoatga buyuradigan va isyon-gunohdan qaytaradigan bir jamoat boʻlsin. Ana oʻshalar najot topguvchilardir”. (Oli-imron: 104).
oyati asosida tashkil topdi. Hizb oʻzi uchun Islomiy (mabdaiy), siyosiy faoliyat olib borish sharʼan farz deb tabanniy qildi. Shuningdek Hizb ut-Tahrir, faqat Rosululloh s.a.v.ning islomiy jamiyatni paydo qilishda olib borgan faoliyatlarini musulmonlar uchun sunnat deb bilib, har qanday hizb oʻzi uchun shu sunnatni tariqat deb tabanniy qilishlari vojib deb hisoblaydi.
Hizb aʼzolariga nisbatan yuqoridagi bayonot Qirgʻiziston respublikasi IIM, MXXQ va rasmiy matbuot tashkilotlari tomonidan uyushtirilayotgan navbatdagi boʻhtonlardir! Ular bu bilan Hizb yetakchiligida jamiyatga kirib kelayotgan Islomiy mafkuraviy muhitga qarshi kurashlarini davom ettirishmoqda. Kufr olami har qancha harakat qilmasin, Hizbni moddiy qurolli harakat tomon bura olmadi. Hizb ut-Tahrir adabiyotlarining birortasidan moddiy (qurolli) faoliyatga chorlovchi birorta ham tabanniy qilingan fikr topa olishmadi! Chunki Hizb oʻz tariqatini Paygʻambarimiz s.a.v.ning Makkadagi hayotlaridan oldi. Shuning uchun u har qanday hizbning davlat tomonidan bajarilishi kerak boʻlgan moddiy amallar ijrosini oʻz zimmasiga olishi joiz emas deb hisoblaydi! Hizb ut-Tahrirning bu islomiy tariqati (printsipial pozitsiyasi) ekanligini va u bu pozitsiyasidan qiyomatgacha voz kechmasligini deyarli butun dunyo siyosatchilari va xalqaro siyosat juda yaxshi biladi!
Qirgʻiziston hukumati kufr donorlari oldida yillik hisobot berish maqsadida, jamiyat ichida deyarli ochiq daʼvat olib borayotgan Hizb aʼzolariga qarata navbatdagi “osongina” hujumlarini davom ettirayapti. “Islomiy qurolli xavf-xatar” borligiga dalil topa olmay, kufr donorlari oldida yuqoridagi boʻhton amaliyotlarini oʻylab topishdi.
Hizb ut-Tahrir fikriy vujudligi (muayyan tabanniy fikrlar asosida uyushganligi) bois, unga aʼzo boʻlgan har qanday shaxs shu fikrlarni qanoat bilan qabul qilib, ularga qattiq rioya qilishlari bilan oʻzlarini Hizb devori ichida ekanlarini isbotlaydilar. Aks holda, yaʼni hatto hizbiy shaxs Hizb tabanniy qilgan fikrlarga zid harakatlar olib borar ekan, u Hizb safidan emas deb eʼtibor qilinadi.
Bu xuddi, organ xodimlari ichidan yuzlagan qotillar chiqishi, davlat arboblari narkotrafika yoʻlini bevosita oʻzlari yurgizishlari, hokimiyat chegarada milliardlagan dollar pullarni oʻzlashtirib yuborishlari va qonun chiqaruvchi deputatlarning oʻzlari qonun buzishlariga qaramay, davlat nomiga putur yetmagani va oʻz konstitutsiyalarini muqaddas deb, unga qarshi chiqqan odamni jinoyatchi deb bilishgani kabidir. Yaʼni ularning oʻzlari “Davlat, din yoki biror guruhning umumiy tabanniy qilgan qonunlariga zid ravishda shaxslar tomonidan amalga oshirilgan jinoyatlar uchun jamoa yoki davlat javobgar emas va ular davlat va jamoaning obroʻyiga putur yetkaza olishmaydi” deb hisoblashadi.
Qirgʻiziston hukumati avvalgi ikki prezidentini ekstremistik yoʻl bilan quvib chiqarganligini oʻzlari rasman tan olishdi. Shunga qaramay, ular ustidan sirttan “umurbod qamoq jazosiga mahkum” degan hukum chiqarishdi. Bu noqonuniy harakatlari uchun Qirgʻiz hokimiyati davlatchiligidan voz kechishi kerak edi! Bir oʻzi Qirgʻiziston konstitutsiyasini yozib tayorlagan, konstitutsiyaning otasi nomi bilan tanilgan, har ikki prezidentlarni quvib chiqarishda asosiy oʻrin egallagan va Qirgʻiz siyosiy elitasining yetakchi siyosatchisi boʻlgan Omirbek Tekebayevni poraxoʻrlikda ayblab kamoqqa olishdi. Vaholanki Tekebayev hozirgi hokimiyatni shakllantirgan asosiy figura edi! Shundan keyin ham Qirgʻiz yetakchiligi oʻz oʻrnida turibdi, hatto oʻsha ilgarigi yetakchi kadrlar yana birin ketin hokimiyatni egallab kelyapti. Qirgʻiz hokimiyati yuqoridagi jinoyatlarda hatto oʻzini ayibdor his qilgani yoʻq!
Yuqoridagi, Hizb ut-Tahrirga nisbatan uyushtirmoqchi boʻlayotgan navbatdagi boʻhtonlariga eʼtibor bering! Bu “ishtoni yoʻq kishinig tizzasi yirtiq odam ustidan kulibdi” degan maqolni esga soladi. Kufr atamalaridan boʻlgan “ekstremist” degan tamgʻa oʻzlarining boʻyinlarida osilib turganiga qaramay, Hizb va yana bir qator islomiy jamoalar ustidan “ekstremist va terrorist” deb hukm chiqarishmoqda.
Rossiya Hizb ut-Tahrirni “terrorist”lar roʻyxatiga kiritgani uchun, Qirgʻiz hukumati ham unga tilyogʻlamachilik qilib, yuqoridagi stsenariyni oʻylab topdi. Qirgʻiziston bir necha yillardan beri Hizbni “terrorist” deb eʼlon qilish maqsadida bir qancha harakatlar uyushtirdi. Lekin xalqaro hamjamiyat Hizb tomonidan biror marotaba ham moddiy harakatlar kuzatilmagani haqida aytib turgan bir paytda, ruslar bosh boʻlgan Qirgʻiz organ kuchlarining bu iflos maqsadlari amalga oshmay kelyapti.
Ey Qirgʻiziston musulmonlari ertaroq koʻzimizni ochmasak, soʻngra kech boʻlib qoladi! Yuqoridagi kufrning Hizbga qarshi harakatlari aslida Islom va musulmonlarga qarshi qaratilgandir! Hizb hozircha musulmonlarga qolqon boʻlib, kufrga qarshi islomiy mabdaiy kurash olib borish bilan oʻzini kufr zarbalariga tutib bermoqda! Lekin Islom faqat Hizbga tegishli emas! Kufrga qarshi haqiqiy quvvat Islom ummatining qoʻlidadir! Qachonki ummat Islom Mabdasi atrofida birlashib, har bir musulmonni oʻzining sharʼiy birodari deb bilgan holda uni kofirga tashlab qoʻymay, kufrga “Toʻxta!” degan paytdagina Ollohning nusrati keladi! Aks holda Hizbga qarshi kurash ortidan “Tabligʻ, Ixvon, Chubak hoji, Oʻzbek hoji……” va hokazo, ketaveradi. Shu bilan bir qatorda birin ketin Islomiy qadriyatlar toptalib boraveradi! Bunga qoʻshnimiz Oʻzbekistondagi rejimning repressiyasida guvoh boʻlmadikmi?!
Hozircha bizda imkoniyatlar yetarli. Faqat kufrga ishonchsizlik bildirib, ularga “Islom va musulmonlar ustidan boʻhtonlaringni toʻxtat” deb aytishning oʻzi kifoya! Lekin kechikib qolsak, kufr bizdan unga “Toʻxta!” deyish imkoniyatimizni ham tortib oladi, chunki u buning uchun tinmay harakat olib boryapti. Kufr sistemasi bu savodsiz hokimiyat egalarini ummatga atayin qattiqqoʻl siyosat olib borishga undash bilan, yurtimizda parokandalik paydo qilmoqchi! Yaʼni agressiv va boʻhton ustiga qurilgan harakatlari va zulmlari bilan Islomiy muhitni moddiy qurolli gʻoyriislomiy muhitga aylartirib yubormoqchi. Organ hodimlari, hozircha oʻzlari anglamagan hollarida kufr afyorasiga aldanib, jamiyatga buzgʻunchilik kirib kelishi uchun keng yoʻl ochib berishlari mumkin! Ogoh boʻlaylik, hokimiyat oʻta holsiz va zaif. U kufr kuchlari taʼsiri ostida qoldi. Hozir hokimiyat xalqaro siyosatning har qanday iflos shartlariga ham rozi boʻlishga majbur holatda tubibdi! Ogoh boʻlaylik!
Hizb ut-Tahrirning Qirgʻizistondagi matbuot boʻlimi raisi
