AQShning yana bir ikkiyuzlamachiligi
AQSh Mudofaa vaziri Jeyms Mattis NATO Mudofaa vazirlari yigʻilishida Turkiya mudofaa vaziri Nurettin Janikli bilan uchrashdi. Vazirlar oʻrtasida boʻlib oʻtgan muzokaralarda ikki mamlakat oʻrtasida mudofaa sohasidagi hamkorlik masalalari muhokama qilindi. Bu haqida AQSh mudofaa vazirligi (Pentagon) xabar tarqatdi.
“AQSh Mudofaa vaziri Jeyms Mattis 23 avgust kuni Ankarada boʻlib oʻtgan muzokaralardan keyin Turkiyaning global xavfsizligiga va IShIDning magʻlub boʻlishiga hissa qoʻshganligi uchun Turkiya mudofaa vaziri Nurettin Janikliga minnatdorchilik bildirdi. Mattis Turkiya duch kelayotgan tahdidlaridan xabardor ekanligini hamda Amerika Qoʻshma Shtatlari PKK va boshqa barcha terrorchi tashkilotlarga qarshi Turkiyaning yonida turishini yana bir bor taʼkidladi”, deyiladi Pentagon matbuot kotibi Deyna Uaytning yozma bayonotida.
Ikki vazir oʻzaro mudofaa sohasidagi hamkorlikni davom ettirishga kelishib olganliklarini bildirgan Uayt, ular kelajakda AQSh va Turkiyaning mudofaa sohasidagi hamkorlikni mustahkamlash yoʻllarini izlash borasida ham hamfikr ekananligiga urgʻu berdi.
Turkiston:
Ikki vazir oʻrtasida oʻtgan muhokama chogʻida AQSh mudofaa vaziri Turkiya hukumatining nazarida ashaddiy terrorchi tashkilotlardan sanalgan PKKni (Kurd ishchilar partiyasini) terrorchi tashkilotlar deya tilga olishi eʼtiborga molikdir. Chunki AQShning oʻzi Turkiyaning noroziligiga qaramay mazkur tashkilotni yengil va ogʻir qurollar va harbiy texnikalar bilan ochiq suratda taʼminlab kelmoqda. Mutaxassislarning fikricha, AQShning PKKga bergan harbiy qurollari hatto baʼzi davlatlarning armiyasida ham yoʻq.
Shunday boʻlishiga qaramay Pentagon rahbari Turkiya mudofaa vaziri bilan uchrashuvi paytida AQShning oʻzi yengil va ogʻir qurollar bilan taʼminlab kelayotgan hamda Turkiya xalqi uning terrorlaridan juda koʻr jabr koʻrgan PKKga qashri Turkiyaning yonida turishini daʼvo qilmoqda. Bu esa AQShning ikkiyuzlamachiligini yana bir bor isbotlab turibdi.
