Rossiya 150 nafar Markaziy osiyoliklarning mablagʻlarini muzlatib qoʻydi
“Sputnik” nashri xabariga koʻra, Markaziy Osiyo davlatlarida terrorizmga aloqador kamida 150 nafar shaxslarning pul mablagʻlari muzlatib qoʻyildi. Bu haqda Rossiya moliyaviy monitoring rahbari Yuriy Chixanchin maʼlum qildi.
“Shuni aytish mumkinki, biz terrorizm bilan kurashga aloqador masalalar boʻyicha xalqaro maydonchalar, birinchi navbatda Markaziy Osiyo davlatlari bilan oʻzaro yaxshi munosabatlarni yoʻlga qoʻydik. Biz oʻzaro maʼlumot almashmoqdamiz. Mavjud boʻlgan maʼlumotlarimizga koʻra, Markaziy Osiyo mamlakatlarida kamida 150 kishining aktivlari muzlatib qoʻyilgan”,- dedi Chixanchin.
Uning soʻzlariga koʻra, Rossiya moliyaviy monitoring Markaziy Osiyo davlatlarida yashayotgan, lekin Rossiyada boʻlgan 100 ga yaqin odamlarning aktivlari muzlatib qoʻygan.
“Biz Rossiya Federal xavfsizlik xizmati va tijorat banklar bilan hamkorlikda terrorchilarni moliyaviy harakati modelini yaratishga erishdik. Bu oʻz navbatida 200 ga yaqin shaxslarni aniqlash va ularga nisbatan jinoyat ishlarini qoʻzgʻatishga imkoniyat berdi. Banklar oʻzlari bu alomatlar boʻyicha aniqlashni oʻzlashtirib oldilar. Bu eng asosiy natijadir”,- deb taʼkidladi Rossiya moliyaviy monitoring rahbari.
MDH Aksil terrorchilik markazi tomonidan oʻtkazilgan maxsus operatsiya davomida 2017 yilda terrorizmni moliyalashtirilishiga aloqador boʻlgan 73 nafar shaxs aniqlandi. Bu haqda markaz direktori politsiya general polkovnigi Andrey Novikov maʼlum qildi.
“MDH davlatlari moliyaviy boʻlinmalari bilan hamkorlikda oʻtkazilgan maxsus “Barьer” operatsiyasi natijasida 2017 yilning oʻzida terrorizmni moliyalashtirishiga aloqador boʻlgan 73 nafar shaxs aniqlangan” ,- dedi u.
Novikovning soʻzlariga koʻra, muntazam oʻtkazilayotgan maxsus “Tral-Antiterror” operatsiyasi natijasida 2017 yilda terrorizm uchun qidiruvda boʻlgan, lekin boshqa umumiy jinoyatlar boʻyicha qamoq jazosini oʻtayotgan 17 nafar shaxs aniqlangan.
Bundan tashqari, 2016-2017 yillar mobaynida markaz tomonidan MDH davlatlarida qidiruvda boʻlgan 500 nafar xorijiy jangarilarning turar joylari aniqlandi.
Uning fikriga koʻra, “Islom davlati” tashkiloti Markaziy Osiyoda ekstremizmning yangi gʻoyasini tatbiq etmoqda. “ID”ning Markaziy Osiyoda quyidagi murakkab hodisalarda tarqalmoqda: xususan turkiy xalqlarini birlashtirish, anʼanaviy hayotga oʻzgarishlar kiritish va mintaqadagi geosiyosiy raqobat.
